ପାଞ୍ଚ ବର୍ଷ ହେଲା ସରିଲାଣି ପୋଲ କାମ । ହେଲେ ଲୋକଙ୍କ କାମରେ ଆସୁନି ପୋଲ । ଫଳରେ ଯିବାଆସିବାରେ ଯେଉଁ ଅସୁବିଧା ଥିଲା ସ୍ଥିତି ଯଥା ପୂର୍ବଂ ତଥା ପରଂ । ଏଭଳି ଦୃଶ୍ୟ ଦେଖିବାକୁ ମିଳିଛି ଭଦ୍ରକ ଜିଲ୍ଲା ଧାମନଗରରେ। ଏ ହେଉଛି ଧାମନଗର ଦୋବଲ - ଷେଣ୍ଡପୁର ଗେଙ୍ଗୁଟି ନଦୀ ଉପରେ ଥିବା ପୁରୁଣା ପୋଲ । ଏହି ପୋଲକୁ ଲାଗି ୧୦ କୋଟି ୭୬ ଲକ୍ଷ ୫୫ ହଜାର ୨୪୭ ଟଙ୍କା ବ୍ୟୟ ଅଟକଳରେ ପୂର୍ତ୍ତ ବିଭାଗ ପକ୍ଷରୁ 2018 ମସିହାରେ ଆଉ ଏକ ନୂତନ ପୋଲ ଆରମ୍ଭ ହୋଇଥିଲା । 2୦୨୧ରୁ ମଧ୍ଏୟ ଏହି ନୂତନ ପୋଲର ନିର୍ମାଣ କାମ ସରିଲାଣି କିନ୍ତୁ ଆଜି ପର୍ଯ୍ୟନ୍ତ ଦୁଇ ପଟରେ ଥିବା ଆପ୍ରୋଚ ରୋଡ଼ ତିଆରି ହୋଇପାରିନାହିଁ । ଫଳରେ ଯିବାଆସିବାରେ ଲୋକେ ନାହିଁ ନଥିବା ଅସୁବିଧା ଭୋଗୁଥିବା ଅଭିଯୋଗ ହୋଇଛି ।

ତେବେ ତଥ୍ୟ ଅନୁଯାଇ, ଏହି ପୋଲ ଉପରେ ଧାମନଗରର 6 ପଂଚାୟତର ଲୋକେ ନିର୍ଭର କରିଥାନ୍ତି । ପୋଲର ଉଭୟ ପଟରେ ଥିବା ବେସରକାରୀ ଜମିକୁ ନେଇ ଥିବା ବିବାଦ ଜମିର ମାଲିକଙ୍କ ଆପସ ବୁଝାମଣାରେ ସମାଧାନ ହୋଇପାରୁନାହିଁ । ଫଳରେ ପୋଲଟି କାର୍ଯ୍ୟକ୍ଷମ ଥାଇ ମଧ୍ୟ ଆପ୍ରୋଚ ରୋଡ଼ ହୋଇ ପାରୁନଥିବା ଜଣାପଡିଛି । ଯାହାକୁ ନେଇ ସ୍ଥାନୀୟ ବାସିନ୍ଦା ବିଭାଗ ବିଭାଗୀୟ କର୍ତ୍ତୁପକ୍ଷ ଓ ସ୍ଥାନୀୟ ପ୍ରଶାସନକୁ ଦାୟୀ କରିଛନ୍ତି। ସେପଟେ ନଦୀ ଉପରେ ଥିବା ପୁରୁଣା ପୋଲ ମଧ୍ୟ ଭଙ୍ଗି ଗଲାଣି କେତେବେଳେ ଯେ ଏହା ଭୁଶୁଡ଼ି ପଡିବ ତାହା କହିବା ମୁସ୍କିଲ । ସେପଟେ ଏନେଇ ଜିଲ୍ଲା ପ୍ରଶାସନର ଦୃଷ୍ଟି ଆକର୍ଷଣ କରିବାରୁ ଖୁବଶୀଘ୍ର ସମାଧାନ ହେବ ବୋଲି କହିଛନ୍ତି ଭଦ୍ରକ ଜିଲ୍ଲାପାଳ ।