ଅର୍ଗସ ବ୍ୟୁରୋ:  ଆଜି ବସିବ ଗୁରୁତ୍ବପୂର୍ଣ୍ଣ ପ୍ରାକ୍ ବଜେଟ୍ ବୈଠକ । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିବାକୁ ଥିବା ଏହି ବୈଠକରେ ୨୦୨୫-୨୬ ଆର୍ଥିକ ବର୍ଷ ପାଇଁ ହେବ ବିଚାରବିମର୍ଶ । ରାଜ୍ୟବାସୀଙ୍କ ସ୍ବାର୍ଥକୁ ଦୃଷ୍ଟିରେ ରଖି ହେବ ବଜେଟ୍ ପ୍ରସ୍ତୁତି । ବିକଶିତ ଓଡ଼ିଶା ଗଢ଼ିବା ପାଇଁ ହେବ ସହାୟକ । ଅର୍ଥନୀତି ବିଶାରଦଙ୍କ ସହ ସର୍ବଦଳୀୟ ନେତା ହେବେ ସାମିଲ । ବିଭିନ୍ନ ଦିଗକୁ ନେଇ ପରାମର୍ଶ ନେବେ ମୁଖ୍ୟମନ୍ତ୍ରୀ ତଥା ଅର୍ଥମନ୍ତ୍ରୀ ମୋହନ ଚରଣ ମାଝୀ । ୧୩ ଫେବ୍ରୁଆରୀରୁ ବସିବାକୁ ଯାଉଛି ବଜେଟ୍ ଅଧିବେଶନ। ୧୭ ଫେବ୍ରୁଆରୀରେ ଗୃହରେ ୨୫-୨୬ର ବଜେଟ୍ ଉପସ୍ଥାପନ କରିବେ ମୁଖ୍ୟମନ୍ତ୍ରୀ ତଥା ଅର୍ଥମନ୍ତ୍ରୀ ।