‘ମୋନ୍ଥା’ ସମୀକ୍ଷା ପରେ ମୁଖ୍ୟମନ୍ତ୍ରୀଙ୍କ ପ୍ରେସମିଟ୍ । କହିଲେ '୮ ଟି ଜିଲ୍ଲାର ଜିଲ୍ଲାପାଳ ଓ RDCଙ୍କ ଆଲୋଚନା ହୋଇଛି । ଗ୍ରାଉଣ୍ଡ ଜିରୋ ସ୍ଥିତି ନେଇ ବିସ୍ତୃତ ଆଲୋଚନା ହେଲା । ଯେତିକି ପ୍ରଭାବିତ ହେବା ଆଶଙ୍କା ଥିଲା ସେତିକି ହୋଇନାହିଁ । ମାଲକାନଗିରି, ଗଜପତିରେ କିଛି ଜାଗାରେ ପଥର, ଗଛ ପଡ଼ିଛି । ବଡ଼ ଧରଣର କୌଣସି ଅଘଟଣ ବା କ୍ଷୟକ୍ଷତି ଘଟିନାହିଁ । ବିଭାଗୀୟ ପ୍ରସ୍ତୁତି ଓ ସ୍ଥାନାନ୍ତରଣ ଠିକ୍‌ ସମୟରେ ହୋଇଛି । ୨ ହଜାର ୧୦୦ ଗର୍ଭବତୀଙ୍କୁ ସ୍ଥାନାନ୍ତର କରାଯାଇଛି । ଆବଶ୍ୟକ ପଡ଼ିଲେ ଅଧିକ ଲୋକଙ୍କୁ ସ୍ଥାନାନ୍ତର କରାଯିବ ।'


ଅନ୍ୟପଟେ ବାତ୍ୟା ମୋନ୍ଥାକୁ ନେଇ ମଧ୍ୟ ନୂଆ ସୂଚନା ଦେଇଛି ପାଣିପାଗ ବିଭାଗ । କୁହାଯାଇଛି ବାତ୍ୟା ଫରିବା ପରେ ବି ଏହାର ପ୍ରଭାବ ଦେଖିବାକୁ ମିଳିବ । ଏହି କ୍ରମରେ ବୁଧବାର ପ୍ରବଳରୁ ଅତି ପ୍ରବଳ ବର୍ଷା ହେବା ସହ ପବନ ହେବାର ମଧ୍ୟ ସମ୍ଭାବନା ରହିଛି । ଏହି ବର୍ଷା ଆସନ୍ତା ୩୦ ତାରିଖ ପର୍ଯ୍ୟନ୍ତ ଏମିତି ଲାଗି ରହିବ ବୋଲି କୁହାଯାଉଛି । ତେବେ ସ୍ପଷ୍ଟ ଆକଳନ, ସଠିକ୍ ଅନୁମାନ। ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ ଏବେ ବାତ୍ୟା ମୋନ୍ଥା କାକିନାଡ଼ାରେ ଲ୍ୟାଣ୍ଡଫଲ୍ କରିଛି ।


ଏହାକୁ ଦୃଷ୍ଟିରେ ରଖି ପୂବର୍ବରୁ ବାତ୍ୟା ମୋନ୍ଥା ପାଇଁ ଉପକୂଳରେ ହାଇ ଆଲର୍ଟ ଜାରି କରାଯାଇଛି । ଗୋପାଳପୁରରୁ ଚିଲିକା, ପୁରୀରୁ ଅସ୍ତରଙ୍ଗ, ପାରାଦୀପରୁ ଭଦ୍ରକ ସବୁଠି ଦେଖିବାକୁ ମିଳୁଛି ସମୁଦ୍ରର କରାଳ ରୂପ ଦେଖିବାକୁ ମିଳିଛି ।