ଝଲସୁଛି ଗେରୁଆ ପତାକାରେ ସୋର ସହର l ଉତ୍ତରେଶ୍ଵର ଛକ ଠାରୁ ଆରମ୍ଭ କରି ଅନନ୍ତପୁର ଛକ ସୁସଜ୍ଜିତ । ଏପ୍ରିଲ ୬ ତାରିଖରେ ହେବାକୁ ଥିବା ଶ୍ରୀରାମ ନବମୀକୁ ଭବ୍ୟ ଭାବରେ ପାଳନ କରିବାକୁ ବିଭିନ୍ନ ସଂଗଠନ ସହିତ ଶ୍ରୀରାମ ସେନା ପକ୍ଷରୁ ବ୍ୟାପକ ପ୍ରସ୍ତୁତି କରାଯାଉଛି l ସୋର ଶ୍ରୀରାମ ସେନା ପକ୍ଷରୁ ରାମ ନବମୀ ଉତ୍ସବ ପାଇଁ ଏକ ସାମ୍ବାଦିକ ସମ୍ମିଳନୀ କରି ଶ୍ରୀରାମ ସେନା ସୋରର ସଭାପତି ବିଷ୍ଣୁ ମୋହନ ପଣ୍ଡା,ସମ୍ପାଦକ ମନୀଷ ଗୁପ୍ତା ଉପସ୍ଥିତ ରହି ସମ୍ପୂର୍ଣ କାର୍ଯ୍ୟ ବିବରଣୀ ଜଣାଇଛନ୍ତି l ହିନ୍ଦୁ ନବବର୍ଷ ଅବସର ରେ ସୋର ସରସ୍ୱତୀ ଶିଶୁ ମନ୍ଦିର ପରିସରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଛି । ଆସନ୍ତା ୬ ତାରିଖରେ ସୋର ଗୋପୀନାଥପୁରରୁ ରାଇପୁର ହନୁମାନ ମନ୍ଦିର ପର୍ଯ୍ୟନ୍ତ ବିଶାଳ ଶୋଭାଯାତ୍ରା ଅନୁଷ୍ଠିତ ହେବ।

ଶ୍ରୀରାମ ନବମୀରେ ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ସୋର ପୋଲିସ ପକ୍ଷରୁ ସୋର ସହର ର ବିଭିନ୍ନ ସମ୍ବେଦନ ଶିଳ ସ୍ଥାନରେ ପ୍ଲାଗ ମାର୍ଚ୍ଚ କରାଯାଇଛି । ବାଲେଶ୍ୱର ଏସ୍ପି ରାଜ ପ୍ରସାଦ ସୋର ଥାନା ପରିସରରେ ପୋଲିସ ଅଧିକାରୀ ମାନଙ୍କୁ ନେଇ ବୈଠକ କରିଛନ୍ତି । ସଦର ଏସଡିପିଓଙ୍କ ସହ ସୋର ଥାନା ଅଧିକାରୀ ଏବଂ ଅନ୍ୟ ପୋଲିସ ଅଧିକାରୀ ଆଲୋଚନା ହୋଇଛି l ଆଇନ ଶୃଙ୍ଖଳା ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ପୋଲିସ ପକ୍ଷରୁ ସଜାଗ ଥିବା ବାଲେଶ୍ୱର ଏସପି ସୂଚନା ଦେଇଛନ୍ତି । ସୋରରେ ଶ୍ରୀରାମ ନବମୀ ବେସ ଧୁମ ଧାମ ରେ ପାଳନ କରିବାକୁ ସମସ୍ତେ ବେସ ଉତ୍ସାହ ଏବଂ ଉଦିପନା ସହ ଅପେକ୍ଷା କରିଛନ୍ତି ।