ପୁଣି ନବୀନଙ୍କୁ ଆଟାକ୍ । ନବୀନଙ୍କୁ ମିଛୁଆ କହିଲେ ବରିଷ୍ଠ ନେତା ପ୍ରସନ୍ନ ପାଟ୍ଟଶାଣୀ । ଜଣକ ପରେ ଜଣେ ନେତା ନବୀନଙ୍କୁ ଆଟାକ୍ କରିବାରେ ଲାଗିଛନ୍ତି । ପ୍ରଥମେ ପ୍ରଭାତ ତ୍ରିପାଠି, ଆଉ ଏବେ ପ୍ରଶନ୍ନ ପାଟ୍ଟଶାଣୀ । ନବୀନଙ୍କ ଛବି ଦିନକୁ ଦିନ ଅଧିକ ମଳିନ ହେବାରେ ଲାଗିଛି । ପାଣ୍ଡିଆନ-ନବୀନଙ୍କ ଯୋଡ଼ିକୁ ସମସ୍ତେ ତାତ୍ସଲ୍ୟ କରିବାରେ ଲାଗିଛନ୍ତି । କେହି ବି ପାଣ୍ଡିଆନଙ୍କୁ ନବୀନଙ୍କ ସହ ଗ୍ରହଣ କରିବାକୁ ଚାହୁଁନାହାନ୍ତି ।

ଶନିବାର ସକାଳୁ ପ୍ରସନ୍ନ ପାଟ୍ଟଶାଣୀ ନବୀନଙ୍କୁ ତାତ୍ସଲ୍ୟ କରିଛନ୍ତି । ସେ ସିଧାସିଧା ନବୀନଙ୍କୁ ମିଛୁଆ କହିବାକୁ ବି ପଛାଉ ନାହାନ୍ତି । ସେ କହିଛନ୍ତି 'ନବୀନ ବାବୁ ଏତେ ତଳ ସ୍ତରକୁ ଚାଲିଯିବେ ମୁଁ କେବେ ଆଶା କରି ନଥିଲି । ସେ କାହିଁକି ଆଉ କାହା ବୋଲରେ ଏତେ ତଳକୁ ଖସି ଯାଉଛନ୍ତି ମୁଁ ଜାଣିପାରୁନି । କଣ ଆବଶ୍ୟକତା ଅଛି ନବୀନ ବାବୁଙ୍କର ଏମିତି କରିବାର ।'

'ପ୍ରଭାତ ତ୍ରିପାଠୀଙ୍କ ବିରୁଦ୍ଧରେ ଯେଉଁ କାଉଣ୍ଟର କରିଛନ୍ତି ତାହା ନବୀନଙ୍କ ଭାଷା ନୁହେଁ । ମୁଁ ସେବେ ବି କହିଥିଲି ଏବେ ବି କହୁଛି ନବୀନ ବାବୁ ତୁମେ ପାଣ୍ଡିଆନ ପାଣ୍ଡିଆନ କାହିଁକି ହେଉଛ । ଆଉ କଣ କେହି ନାହାନ୍ତି କି ବିଜେଡିରେ ।'

'ନବୀନ ବାବୁଙ୍କ ଭଳି ଲୋକ ମିଛ କହୁଛନ୍ତି ମୋର ବିଶ୍ୱାସ ହେଉନି । କିନ୍ତୁ ନବୀନଙ୍କ ମିଛ କହିବା ଅଭ୍ୟାସ ଏବେର ନୁହେଁ ବହୁ ପୂର୍ବରୁ ମଧ୍ୟ ସେ ମିଛ କହିଆସୁଛନ୍ତି । ମୋ ରାଜ୍ୟସଭା ଯିବା କଥା ମିଛ କହିଥିଲେ । ଓଡ଼ିଶାବାସୀ ତାହା ଦେଖିଛନ୍ତି । ରକ୍ଷା ହେଇଛି ନବୀନ ପଟ୍ଟନାୟକ ବଞ୍ଚି ଯାଇଛନ୍ତି । ଜୟ ଲଳିତାଙ୍କୁ ଯେଉଁ ଭଳି ରାଜନୈତିକ ହତ୍ୟା କରାଯାଇଥିଲା ନବୀନ ପଟ୍ଟନାୟକଙ୍କୁ ବି ସେଇଭଳି କରାଯାଉଥିଲା । ସେହିଭଳି ଷଡ଼ଯନ୍ତ୍ର କରୁଥିଲା ପାଣ୍ଡିଆନ । ସବୁ ସେଇ ଜଗନ୍ନାଥ ଜାଣିଛନ୍ତି ।'

ପାଣ୍ଡିଆନ କୁହନ୍ତୁ ଆସି, ରାତି ଅଧରେ ଜଗନ୍ନାଥ ମନ୍ଦିର ଯାଇ କଣ କରୁଥିଲେ । ପଣ୍ଡା ପୂଜା ପଡ଼ିହାରିମାନଙ୍କ ପୂଜା ବିଦ୍ଧିରେ ବାଧା ସୃଷ୍ଟି କରି, ରାତି ଅଧରେ ଜଗନ୍ନାଥ ମନ୍ଦିରରେ ଏମାନେ କଣ କରୁଥିଲେ ବୋଲି ପ୍ରଶ୍ନ କରିଛନ୍ତି ପ୍ରଶନ୍ନ ।

ତେବେ ଦୁଇ ଦିନ ପୂର୍ବରୁ ନବୀନ ପଟ୍ଟନାୟକ ଗଣମାଧ୍ୟମ ସମ୍ମୁଖରେ କହିଥିଲେ, ପ୍ରଭାତ ତ୍ରିପାଠି ଆଉ ଦଳରେ ନାହାନ୍ତି । ତାଙ୍କୁ ଦୀର୍ଘ ବର୍ଷ ପୂର୍ବରୁ ଦଳରୁ ନିଲମ୍ବନ କରାଯାଇଛି । ସେ ଚିଟ୍‌ଫଣ୍ଡ ଠକେଇ ଅଭିଯୋଗରେ ଜେଲ ଯାଇଥିଲେ । ଏହାସହ ପାଣ୍ଡିଆଙ୍କୁ କୌଣସି ପ୍ରକାର ବଦନାମ ନକରିବା ପାଇଁ ପରୋକ୍ଷରେ କହିଥିଲେ । ସେ କହିଥିଲେ ପାଣ୍ଡିଆନ ରାଜ୍ୟ ତଥା ବିଜେଡି ପାଇଁ ବହୁତ ଭଲ କାମ କରିଛନ୍ତି । ସେ ୧୦ ମାସ ହେଲା ଦଳ ଛାଡ଼ି ସାରିଛନ୍ତି । ତାଙ୍କୁ ବ୍ଲେମ୍‌ କରିବା ଉଚିତ ନୁହେଁ ।

Argus News | argus news | -Argusnews Home: Odisha Latest News, Breaking News, Trending News, Live TV and more