ଦିନକୁ ଦିନ ସୁଧୁରୁଛି ଦେଶର ଆର୍ଥିକ ଅବସ୍ଥା
ଅର୍ଗସ ବ୍ୟୁରୋ:ଦେଶରେ କମୁଛି ବେକାରୀ ହାର । ଆରମ୍ଭ ହୋଇଛି ରୋଜଗାର କ୍ଷେତ୍ରରେ ବଡ ପରିବର୍ତନ..ଗତ ସାତ ବର୍ଷ ମଧ୍ୟରେ ଭାରତର ବେକାରୀ ହାର ୬ ପ୍ରତିଶତ ରୁ ୩.୨ପ୍ରତିଶତ କୁ ହ୍ରାସ ପାଇଛି। ରୋଜଗାରର ସୁଯୋଗ ସୃଷ୍ଟି କରିବାରେ ଦେଶର ପ୍ରୟାସର ଏହା ଏକ ବଡ ପ୍ରମାଣ। ପିରିୟଡିକ୍ ଲେବର ଫୋର୍ସ ସର୍ଭେ (PLFS) ତଥ୍ୟ ଅନୁଯାୟୀ, COVID-19 ମହାମାରୀ ସମୟରୁ ବେକାରୀ ହାର ହ୍ରାସ ପାଉଛି, ଯେଉଁଥିରେ ଶ୍ରମ ଶକ୍ତି ଅଂଶଗ୍ରହଣ ହାର ଏବଂ ଶ୍ରମିକ-ଜନସଂଖ୍ୟା ରେସିଓ ବୃଦ୍ଧି ପାଇଛି। ବଢୁଥିବା ମହିଳା ଶ୍ରମ ବଳ ବା ବିଶେଷ ଭାବରେ ଗ୍ରାମୀଣ ମହିଳାମାନେ କୃଷି ତଥା ଆନୁଷଙ୍ଗିକ କାର୍ଯ୍ୟକଳାପରେ ଯୋଗଦେବା ଦ୍ୱାରା ମହିଳା ଶ୍ରମଶକ୍ତିର ଅଂଶଗ୍ରହଣ ହାର ଯଥେଷ୍ଟ ବୃଦ୍ଧି ପାଇଛି।ସେହିପରି ଯୁବ ବେକାରୀ ହାର 2017-18 ରେ 17.8% ରୁ 2022-23 ରେ 10% କୁ ହ୍ରାସ ପାଇଛି।ଏହା ସହିତ ଗ୍ରାମାଞ୍ଚଳରେ ଅଧିକ ବେତନ ବୃଦ୍ଧି ସହିତ ହେବା କାରଣରୁ ମହାମାରୀ ପୂର୍ବରୁ ବେକାରୀ ସ୍ତରର ସ୍ଥିତିରେ ପୁନଦ୍ଧାର ଘଟିଛି।ଏହି ସକରାତ୍ମକ ଧାରା ଦେଶରେ ଏକ ଅନୂକୁଳ ନିଯୁକ୍ତି ପରିବେଶ ଏବଂ ରୋଜଗାର କ୍ଷମତା ସୃଷ୍ଟି କରିପାରିଛି |
