ଚଳିତ ବର୍ଷ ଜୁନ୍ ମାସ ୨୭ ତାରିଖରେ ପଡୁଛି ରଥଯାତ୍ରା । ହାତରେ ଦୁଇ ମାସ ସମୟ ଥିବାବେଳେ ଆରମ୍ଭ ହୋଇ ଯାଇଛି ପ୍ରସ୍ତୁତି । ଗୁରୁବାର କେନ୍ଦ୍ରାଞ୍ଚଳ ରାଜସ୍ୱ ଆୟୁକ୍ତ ବି. ପରମେଶ୍ୱରମଙ୍କ ଅଧ୍ୟକ୍ଷତାରେ ବସିଥିଲା ପ୍ରଥମ ସମନ୍ଵୟ ବୈଠକ । ଯେଉଁଥିରେ ରଥକାଠ ଯୋଗାଣ, ରଥ ନିର୍ମାଣ, ନୀତି ସଂପାଦନ, ସ୍ଵାସ୍ଥ୍ୟ ଓ ପରିମଳ ବ୍ୟବସ୍ଥା, ପାନୀୟ ଜଳ ଯୋଗାଣ, ବିଦ୍ୟୁତ୍ ଯୋଗାଣ ଆଦି ୨୧ଟି ପ୍ରସଙ୍ଗ ଉପରେ ଆଲୋଚନା ହୋଇଛି ।

ବିଶେଷ କରି ପୁରୀ ପୌରାଞ୍ଚଳରେ ରଥଯାତ୍ରା ସମୟରେ ଲୋକଙ୍କ ପାଇଁ ୫ ଲକ୍ଷ ଟଙ୍କାର ବୀମା ବ୍ୟବସ୍ଥା କରାଯିବ । ରଥଯାତ୍ରା ସମୟରେ ୩୬୫ଟି ସ୍ଵତନ୍ତ୍ର ଟ୍ରେନ ଚଳାଚଳ କରିବ । ପାନୀୟ ଜଳଯୋଗାଣ ବ୍ୟବସ୍ଥା କରାଯିବ । ୧୩୦ ନିୟମିତ ବସ୍ ସହ ଅଧିକ ବସ ଚଳାଚଳ କରିବ ।

ସେପଟେ ଚଳଚଞ୍ଚଳ ରଥଖଳା । ପ୍ରଥମ ଦିନରେ ବିଧିବଦ୍ଧ ଭାବେ ଆରମ୍ଭ ହୋଇଛି ରଥ ନିର୍ମାଣ କାମ ।. ପ୍ରଥମ ଦିନରେ ମହଜୁଦ ଥିବା ୨୨ଟି ତୁମ୍ବ କାଠକୁ କରତରେ ମାପ ଅନୁଯାୟୀ କାଟୁଛନ୍ତି କରତିଆ ସେବକ । ୪୨ଟି ତୁମ୍ବ ପ୍ରସ୍ତୁତ ହେବ। ଏହାପରେ ସୂତା ବାଡିଆ ହୋଇ ବିନ୍ଧ ହେବ ।

ଗତବର୍ଷ ରଥଯାତ୍ରା ସମୟରେ ବଳଭଦ୍ର ତଳେ ପଡିଯିବା ଭଳି ଅଘଟଣ ଘଟିଥିଲା । ତେଣୁ ଚଳିତ ବର୍ଷ ସେଭଳି କୌଣସି ଘଟଣାର ପୁନାରବୃତ୍ତି ନହେଉ ସେଥିପାଇଁ ଶୃଙ୍ଖଳିତ ନୀତିକାନ୍ତି ଓ ଶାନ୍ତିଶୃଙ୍ଖଳା ରକ୍ଷା ଉପରେ ଅଧିକ ଜୋର୍ ଦିଆଯାଉଛି ।