ଭଦ୍ରକ: ଆଖି ସାମ୍ନାରେ ଲୁଟ୍‌। ଜାଣିପାରିଲେନି ସୁନା ଦୋକାନୀ। ଟିକେ ଏହି ସିସିଟିଭି ଭିଡିଓକୁ ଦେଖନ୍ତୁ। କେମିତି ଆଉ କେତେ ସାହାସରେ ସମସ୍ତଙ୍କ ସାମ୍ନାରେ ଲୁଟିନେଲେ ସୁନା । ଗ୍ରାହକ ବେଶରେ ଆସି ସୁନା ଦୋକାନରୁ 6ଲକ୍ଷରୁ ଉର୍ଦ୍ଧ ଟଙ୍କାର ସୁନାଚେନ ଲୁଟିନେଲେ ଦୁବୃର୍ତ୍ତ । ସିସି କ୍ୟାମେରାରେ କଏଦ ହେଲା ଲୁଟ ବେଳର ଦୃଶ୍ୟ । ଏଭଳି ଘଟଣା ଦେଖିବାକୁ ମିଳିଛି ବାସୁଦେବପୁର ବଜାରରେ । ବାସୁଦେବପୁର ବଜାରରେ ଥିବା ପିକେ ଜୁଏଲାର୍ସ ରୁ ଦ୍ୱିପ୍ରହର ସମୟରେ ଦୋକାନରେ ପିଲାମାନେ ଥିବାବେଳେ ଗ୍ରାହକ ବେଶରେ ଆସି 2ଜଣ ଯୁବକ 12ଟି ସୁନା ଚେନ ଲୁଟି ନେଇଛନ୍ତି ।

ଯାହାର ଆନୁମାନିକ ମୂଲ୍ୟ 6ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡିଛି । ଦୋକାନକୁ ଆସି ଜିନିଷ ଦେଖାଇବା ସମୟରେ ଦୋକାନର ଡ୍ର ଭିତରୁ ଅତି ଚାଲାକି ଭାବେ ପ୍ୟାକେଟ ଭିତରେ ଥିବା 12ଟି ସୁନା ଚେନ ଲୁଟି ନେଇଥିଲେ । ସେତେବେଳେ ଦୋକାନରେ ଥିବା ପିଲା କିଛି ଜାଣିପାରିନଥିଲା । ପରବର୍ତୀ ମୁହୂର୍ତ୍ତରେ ଡ୍ର ଭିତରେ ଚେନ ନଥିବାର ଦେଖିଥିଲେ । ପରେ ସିସି ଫୁଟେଜ କୁ ଯାଞ୍ଚ ପରେ ଏହି ଦୁଇ ଜଣ ଯୁବକ ଲୁଟିନେଇଥିବା ଦେଖାଯାଉଛି । ଖବର ପାଇ ବାସୁଦେବପୁର ପୋଲିସ ପହଂଚି ସିସି ଫୁଟେଜ କୁ ଯାଞ୍ଚ କରି ତଦନ୍ତ କରୁଛି ।
ଅଧିକ ଦେଖନ୍ତୁ :

Argus News | argus news | -Argusnews Home: Odisha Latest News, Breaking News, Trending News, Live TV and more