ଅର୍ଗସ ବ୍ୟୁରୋ: ପ୍ଲାଷ୍ଟିକ ସର୍ଜରି କରି ଜଣଙ୍କ ପରେ ଜଣଙ୍କୁ ଫସାଇ ନିଜ ଠକେଇର କ୍ରାଇମ୍ ସିଣ୍ଡିକେଟ୍ ବନାଇଥିଲେ ହିଂସିତା ଅଭିଲିପସା। ଏବେ ଅନିଲ ଏବଂ ହଂସିତାଙ୍କ ବିରୋଧରେ ହୋଇଥିବା ଏତଲା କପି ଏବଂ ବିଭିନ୍ନ ତଥ୍ୟ ନେଲା ପ୍ରବର୍ତନ ନିର୍ଦେସାଳୟ-ଇଡି । PMLA ଆକ୍ଟ ଜରିଆରେ କଳା ଧନର ତଦନ୍ତ କରିବ ED । ଗତକାଲି ସ୍ପେଶାଲ କ୍ରାଇମୟୁନିଟ ଗୋଟିଏ ଦାମୀ ଗାଡି ଜବତ କରିଥିବା ବେଳେ ଆଜି ଦୁଇଟି ଦାମୀ ଗାଡି ଜବତ କରିଛି । 2012ରେ ଅନିଲ ଜାଗୁଆର ଗାଡି କିଣିଥିଲେ । 2023ରେ ମର୍ସିଡ଼ିଜ ଗାଡି କିଣିଥିବା ବେଳେ 2024ରେ ପୋର୍ଷେ ଗାଡି କିଣିଥିଲେ । ହନ୍ସିତା ଏବଂ ଅନିଲ ଙ୍କୁ ଦିନିକିଆ ରିମାଣ୍ଡରେ ଆଣି କ୍ରାଇମ ସିଣ୍ଡିକେଟ ର ସୁରାକ ପାଇଛି କମିସନରେଟ ପୋଲିସ । ହଂସିତା କାହାକୁ କାହାକୁ ବ୍ଲାକ ମେଲ କରୁଥିଲେ? କେତେ ଟଙ୍କା ଠକେଇ କରିଥିଲେ? ଠକେଇ ଟଙ୍କା କୁ କେଉଁଠି କେଉଁଠି ବିନିଯୋଗ କରିଛନ୍ତି ସେଦିଗରେ ତଦନ୍ତ କରାଯାଉଥିବା ପୋଲିସ କମିସନର ସୁରେଶ ଦେବଦତ୍ତ ସିଂ କହିଛନ୍ତି ।

ସେପଟେ ବେନାମୀ ସମ୍ପତ୍ତିର ଆକଳନ କରୁଛି ଆୟକର ବିଭାଗ । 110 କୋଟିରୁ ଅଧିକ ଟଙ୍କାର ଅଚଳାଚଳ ସମ୍ପତିର ହିସାବ ଆୟକର ବିଭାଗ କରୁଥିବା ବେଳେ ତାଭିତରୁ ହଂସିତା ଙ୍କ 65କୋଟି ଟଙ୍କା ସମ୍ପତି ର ଖୋଳ ତାଡ ଚାଲିଛି । ମଧ୍ୟବିତ ପରିବାର କୁ ଆସିଥିବା ହଂସିତା କେଉଁଭଳି ଭାବରେ ଏତେ ଟଙ୍କା ସମ୍ପତି ର ମାଲିକ ହୋଇପାରିଲେ ତାର ଉତ୍ସ ଖୋଜୁଛନ୍ତି ତଦନ୍ତ କାରି ସଂସ୍ଥା । ତଥ୍ୟ ଅନୁସାରେ ପୂର୍ବ ସରକାରର ଗେହ୍ଲା ଝିଅ ଥିଲେ ହଂସିତା।

ଠକେଇ ଟଙ୍କାରେ ହନ୍ସିତା ଏବଂ ଅନିଲ 3ଥର ବିଦେଶ ବୁଲିଥିବା ନେଇ ତଥ୍ୟ ପାଇଛି ସ୍ପେଶାଲ କ୍ରାଇମ ୟୁନିଟ । ବିଦେଶ ବୁଲାରେ କେତେ ଟଙ୍କା ଖର୍ଚ୍ଚ କରିଛନ୍ତି ଉଭୟ ଠକ ଦମ୍ପତି ସେନେଇ ବ୍ୟାଙ୍କ ଟ୍ରାଞ୍ଜାକ୍ସନ କୁ ଯାଞ୍ଚ କରିବ କମିସନରେଟ ପୋଲିସ