ବିଶ୍ବ ଦରବାରରେ ଓଡ଼ିଶାର ଭିନ୍ନ ପରିଚୟ ଆଣିଛି କୋଣାର୍କ ସୂର୍ଯ୍ୟ ମନ୍ଦିର । ପୁରୀ ଜଗନ୍ନାଥ ମନ୍ଦିର ଆମ ରାଜ୍ୟକୁ ବିଶ୍ବବିଦିତ କରିଛି । ଏହି ଐତିହ୍ୟ ସହିତ ଯୋଡି ହୋଇ ରହିବା ପାଇଁ ରାଜ୍ୟ ସରକାରଙ୍କ ଆନ୍ତରିକତା। ଓଡିଶା ସରକାର ପାଳନ କରୁଛି ଓଡ଼ିଆ ପକ୍ଷ। ନୂଆ ସରକାରଙ୍କ ପ୍ରତିବଦ୍ଧତା, ଓଡ଼ିଶାର ମଠ, ମନ୍ଦିରକୁ ସୁରକ୍ଷା ଦିଆଯିବ। ଓଡ଼ିଶାର ଐତିହ୍ୟ ବହୁ ପ୍ରାଚୀନ । ଏହାର ସଂସ୍କୃତି ବେଶ ଗୁରୁତ୍ୱ ବହନ କରେ । ତେଣୁ ଏହାର କିପରି ସୁରକ୍ଷା ହୋଇପାରିବ ସେଦିଗରେ ସରକାର ତତ୍ପର ।

ଭୁବନେଶ୍ୱର ଲିଙ୍ଗରାଜ ମନ୍ଦିର, ବିନ୍ଦୁ ସାଗର, ବୌଦ୍ଧ କୀର୍ତିରାଜି, ଧଉଳି, ଖଣ୍ଡଗିରି ଉଦୟଗିରି ସମେତ ଅନେକ କୀର୍ତିରାଜି ରହିଛି। ଯାହାର ଇତିହାସ ସମ୍ପର୍କରେ ଆଜିର ଯୁବପିଢ଼ି, ବିଦ୍ୟାର୍ଥୀ ଏବଂ ସବୁ ବର୍ଗର ଲୋକେ ଜାଣିବାର ବେଶ ଆବଶ୍ୟକତା ରହିଛି। ପ୍ରତ୍ନତତ୍ୱବିଦଙ୍କ ମତରେ ଯୁବ ପିଢ଼ି ଐତିହ୍ୟସ୍ଥଳୀର ଇତିହାସ ଜାଣିବା ଦରକାର। କେବଳ ଭଗବାନ କିମ୍ବା ମନ୍ଦିର ନୁହେଁ ବରଂ ପ୍ରାଚୀନ ଇତିହାସ ଯୁଗରେ ରାମାୟଣ, ମହାଭାରତ ସମୟରେ କିଭଳି ରାଣୀମାନଙ୍କ ଭୂମିକା ଥିଲା, ପ୍ରତିମୂର୍ତ୍ତି ଗୁଡିକରେ କଣ ଲୁଚି ରହିଛି ସେ ବିଷୟରେ ଜାଣିଲେ ଆଗକୁ ବଢ଼ିପାରିବେ। ଐତିହ୍ୟ ସୁରକ୍ଷାକୁ ନୂଆ ସରକାର ପ୍ରାଥମିକତା ଦେବା ସ୍ୱାଗତଯୋଗ୍ୟ।

ଯେଉଁ ଐତିହ୍ୟ ଆମକୁ ସାରାବିଶ୍ବରେ ପରିଚୟ ଦେଇଛି ତାର ସୁରକ୍ଷାକୁ ସରକାର ଗୁରୁତ୍ବ ଦେବା ଦ୍ବାରା ରାଜ୍ୟର ଐତିହ୍ୟ କିର୍ତ୍ତିରାଜି ଭବିଷ୍ୟତ ପିଢି ପାଇଁ ବେଶ ଉଦଜୀବୀତ ରହିବ ଏଥିରେ ସନ୍ଦେହ ନାହିଁ ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more