ମେ ୨୭ରେ କେରଳ ଛୁଇଁବ ମୌସୁମୀ । ଚଳିତ ଥର ସଅଳ କେରଳ ଛୁଇଁବ ମୌସୁମୀ । ସଅଳ ମୌସୁମୀ ଛୁଇଁବା ନେଇ ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ । ଦକ୍ଷିଣ ପଶ୍ଚିମ ମୌସୁମୀ ବାୟୁ ସାଧାରଣତଃ ଜୁନ ୧ରେ କେରଳ ଛୁଇଁଥାଏ । ତେବେ ଚଳିତ ଥର ମୌସୁମୀ ଅଗ୍ରସର ହେବା ପାଇଁ ସ୍ଥିତି ଅନୁକୂଳ ରହିଥିବାରୁ ଧାର୍ଯ୍ୟ ସମୟର ୪ଦିନ ପୂର୍ବରୁ ପହଞ୍ଚିବା ସମ୍ଭାବନା ରହିଛି । ତେବେ ୨୦୨୦ରେ ଜୁନ ୧, ୨୦୨୧ରେ ଜୁନ ୩, ୨୦୨୨ରେ ମେ ୨୯, ୨୦୨୩ରେ ଜୁନ ୮ ଓ ୨୦୨୪ରେ ମେ ୩୦ ତାରିଖରେ କେରଳ ଛୁଇଁଥିଲା ମୌସୁମୀ । ଅନ୍ୟପଟେ ଆସନ୍ତା ୭ ଦିନ ଜଳିବ ଓଡ଼ିଶା । ରାଜ୍ୟରେ ଜାରି ରହିବ ଭୀଷଣ ଗ୍ରୀଷ୍ମ ଲହରୀ । ରାଜ୍ୟର ସର୍ବୋଚ୍ଚ ତାପମାତ୍ରା ୩ ରୁ ୫ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇବ।

ରାଜ୍ୟରେ ଯେଉଁଭଳି ଭାବରେ ଗ୍ରୀଷ୍ମ ଲହରୀ ଲାଗି ରହିଛି। ସକାଳ ୯ ବାଜୁ ବାଜୁ ତାତି ବଢ଼ି ଚାଲିଛି । ବାହାରକୁ ବାହାରିବା ମୁସ୍କିଲ ହୋଇପଡୁଛି। ତତଲା କଡେଇରେ ଭାଜି ହେଉଛି ପୁରା ଓଡ଼ିଶା । ସକାଳୁ ପ୍ରବଳ ଗରମ ସହ ଗୁଳୁଗୁଳି ଅନୁଭୁତ । ସକାଳ ସାଢ଼େ ୮ ସୁଦ୍ଧା ୩୫.୨ ଡିଗ୍ରୀ ଟପିଲା ଝାରସୁଗୁଡ଼ା । ସମ୍ବଲପୁର ୩୪.୪, ବାଲେଶ୍ବର ୩୩, ପୁରୀ ୩୩.୪, ରାଉରକେଲା ୩୨.୮, ଭୁବନେଶ୍ବର ୩୨.୪, ଚାନ୍ଦବାଲି ୩୨.୨, ପାରାଦୀପ ୩୧.୨ ଓ ଗୋପାଳପୁରରେ ୩୦.୨ ଡିଗ୍ରୀ ତାପମାତ୍ରା ରେକର୍ଡ ।

ସେପଟେ ମେ 19 ତାରିଖ ପର୍ଯ୍ୟନ୍ତ ଆଭ୍ୟନ୍ତରିନ ଓଡ଼ିଶା ରେ ହିଟ ୱେବ ଭଳି ସ୍ଥିତି ଆଉ ଉପକୂଳ ଓଡ଼ିଶା ରେ ଗରମ ଓ ଅସହୟୀ ଆଦ୍ର ରହିବ ବୋଲି ପାଣିପାଗ ବିଶେଷଜ୍ଞ କହିଛନ୍ତି। ମୌସୁମୀ ସମୟ ପୂର୍ବରୁ ଛୁଇଁବାର ସମ୍ଭାବନା ରହିଛି। ମେ 27 ତାରିଖ ସୁଦ୍ଧା ମୌସୁମୀ କେରଳ ଛୁଇଁବା କୁ ନେଇ ପୂର୍ବାନୁମାନ କରିଛି ଆଇ ଏମ ଡି । ଯଦି ଜଳବାୟୁ ରେ କୋଣସି ପରିବର୍ତନ ନ ହୁଏ ଓଡିଶାକୁ ମଧ୍ୟ ଜଲଦି ଆସିବା ର ସମ୍ଭାବନା ରହିଛି। ମେ 20 ବେଳକୁ ଗୋଟେ ଟ୍ରାପ ଲାଇନ ହେବା ର ସମ୍ଭାବନା ରହିଛି । ଏହା ପ୍ରଭାବ ରେ ବର୍ଷା ହେବ ବୋଲି ପାଣିପାଗ ବିଶେଷଜ୍ଞ କହିଛନ୍ତି।

Argus News | argus news | -Argusnews Home: Odisha Latest News, Breaking News, Trending News, Live TV and more