ଅର୍ଗସ ବ୍ୟୁରୋ: ଘାତକ ହେଉଛି ଟ୍ରେଡିଂ ଆପ୍ । କ୍ଷତି ସହିବାରୁ ଜଣେ ଯୁବକ ଆତ୍ମହତ୍ୟା କରିଥିବା ଅଭିଯୋଗ। ବିବାହର ସପ୍ତାହେ ପୂର୍ବରୁ ଯୁବକ ଜଣଙ୍କ ଆତ୍ମହତ୍ୟା  କରିଛନ୍ତି । ମୃତକ ହେଉଛନ୍ତି କେନ୍ଦ୍ରାପଡାର ଲଙ୍କାପଡାର ଅଚ୍ୟୁତାନନ୍ଦ ସାହୁ । ସେ  ଟ୍ରେନ ସାମ୍ନାକୁ ଡେଇଁ ଆତ୍ମହତ୍ୟା କରିଥିବା ଜଣାପଡିଛି । ଏନେଇ ଝାରସୁଗୁଡା ଜିଆରପି ତଦନ୍ତ କରୁଛି ।  ଆସନ୍ତା ୧୭ ତାରିଖରେ ଅଚ୍ୟୁତାନନ୍ଦଙ୍କ ବିବାହ ସ୍ଥିର ହୋଇଥିଲା । ଏହାର ସପ୍ତାହେ ପୂର୍ବରୁ ତାଙ୍କ ଆତ୍ମହତ୍ୟା ଘଟଣା ସମସ୍ତଙ୍କୁ ବିଚଳିତ କରିଛି। ଅଚ୍ୟୁତାନନ୍ଦ ଆତ୍ମହତ୍ୟା ପୂର୍ବରୁ ସୁଇସାଇଡ୍ ନୋଟ୍ ହ୍ବାଟସ ଆପରେ ପଠାଇଥିଲେ । ଟ୍ରେଡିଂ ଆପରେ ଟଙ୍କା ହରାଇଥିବା କାରଣରୁ ଆତ୍ମହତ୍ୟା କରିବାକୁ ଯାଉଥିବା ସେଥିରେ ଲେଖିଥିଲେ ।