ଅର୍ଗସ ବ୍ୟୁରୋ:  ଠକ ଯୋଡ଼ି ହଂସିତା-ଅନୀଲଙ୍କ ଗୁମର ପେଡ଼ି ଯେତେ ଖୋଲିଲେ ସେତେ ଅଶ୍ଚର୍ଯ୍ୟ କଲା ଭଳି ତଥ୍ୟ ସାମ୍ନାକୁ ଆସୁଛି । ଫାଇଲ୍‌ରେ ପ୍ରତ୍ୟେକ ଦିନ ଯୋଡ଼ି ହେଉଛି ନୂଆ ଫର୍ଦ୍ଦ । ସମସ୍ତେ ଜାଣିଥିଲେ... ଉଭୟ ନିଜକୁ ବଡ଼ ଅଫିସରଙ୍କ ସମ୍ପର୍କୀୟ କହି କର୍ପୋରେଟ ସଂସ୍ଥାଙ୍କୁ ଠକୁଥିଲେ । ହେଲେ ଏବେ ସାମ୍ନାକୁ ଆସିଛି ଅନୀଲ ନିଜ ଜନ୍ମ ଦିନରେ ଆଣୁଥିଲେ ମାଳ ମାଳ ରସିଆନ ଗର୍ଲ । ଆଉ ଅତିଥି ମାନଙ୍କୁ ଦେଉଥିଲେ ଉପହାର । ତଦନ୍ତକାରୀ ସଂସ୍ଥା ହାତରେ ଲାଗିଛି ଏଭଳି ଏକ ସାଂଘାତିକ ତଥ୍ୟ ।

ପ୍ରତିବର୍ଷ ଡିସେମ୍ବର ୨୪ରେ ଜନ୍ମ ଦିନ ପାଳୁଥିଲେ ଅନୀଲ । ଗତ ୩ ବର୍ଷ ହେଲା ରସିଆନ ଯୁବତୀଙ୍କୁ ଆଣି ବଡ଼ ଆଡ଼ମ୍ବରରେ ଇନଫୋସିଟି ଥାନା ଅଞ୍ଚଳରେ, ଏକ କ୍ଳବରେ କରୁଥିଲେ ଜନ୍ମ ଦିନ ପାଳନ । ଆଉ ତାଙ୍କୁ ସବୁଥିରେ ସାଥ ଦଉଥିଲେ ହଂସିତା ।

ନିଜକୁ ହାଇପ୍ରୋଫାଇଲ ବର୍ଗରେ ଦେଖେଇ ହେଉଥିବା ହଂସୀତାଙ୍କୁ ଭେଟିବାକୁ ଆସୁଥିଲେ କଣ୍ଟ୍ରାକ୍ଟର, ବ୍ୟବସାୟୀ, ସୁନା ଦୋକାନୀ । ୨୦୨୨ରେ ନିଜକୁ ପ୍ରଧାନମନ୍ତ୍ରୀଙ୍କ ମୁଖ୍ୟ ପରାମର୍ଶ ଦାତା ପିକେ ମିଶ୍ରଙ୍କ ଝିଅ ବୋଲି ପରିଚୟ ଦେଇ ବଡବଡ଼ିଆ ଲୋକ, ବ୍ୟବସାୟୀ, ଶିଳ୍ପପତି, କର୍ପୋରେଟ ସଂସ୍ଥା ସଂସ୍ପର୍ଶରେ ଆସୁଥିଲେ । କିନ୍ତୁ ଏସବୁ କଥା ତୃତୀୟ ସ୍ବାମୀ ଅନୀଲଙ୍କୁ ଜଣାନଥିଲା ବୋଲି ତଥ୍ୟ ସାମ୍ନାକୁ ଆସିଛି ।

ସେପଟେ ୨୦୦୮ରେ ଠକେଇ ଅଭିଯୋଗରେ ରମାଦେବୀ ହଷ୍ଟେଲରୁ ତଡ଼ା ଖାଇଥିଲେ ହଂସିତା । ୨୦୧୯ ରୁ ୨୦ରେ ଧର୍ମ ପରିବର୍ତ୍ତନ ବି କରିଥିଲେ ହଂସିତା । ଅନ୍ୟପଟେ ଦେଶ ବାହାରର ବିଭିନ୍ନ ସଂସ୍ଥାରୁ ଟଙ୍କା ଆଣିଥିବା କଥା ମଧ୍ୟ ଜାଣିବାକୁ ପାଇଛି ତଦନ୍ତକାରୀ ସିଂସ୍ଥା ।

ଖାଲି ସେତିକି ନୁହେଁ ୨୦୨୨ରେ CSR କାମ ପାଇଁ ୨୮୦ କୋଟି ଟଙ୍କା ଚୁକ୍ତି ହୋଇଥିଲା । ଝାଡ଼ଖଣ୍ଡ ବୋକାର ତିନୋଟି ବସ୍ତିର ଉନ୍ନତିମୂଳକ କାମ ପାଇଁ ଆଗୁଆ ୧୮ କୋଟି ଟଙ୍କା ଆଣିଥିଲେ । ହେଲେ କୌଣସି କାମ ନକରି ଟଙ୍କା ଠକେଇ କରିଥିଲେ । ଯାହାର ସମସ୍ତ ଦସ୍ତାବିଜ ଆୟକର ବିଭାଗ ଏବଂ ସ୍ପେଶାଲ କ୍ରାଇମ ୟୁନିଟ ହାତରେ ଲାଗିଛି ।

ଅନ୍ୟପଟେ ଅନିଲ ଏବଂ ହଂସିତାଙ୍କ ସମ୍ପତି ବିକ୍ରି ଉପରେ ରୋକ ଲାଗିଛି । ଏନେଇ ଆୟକର ବିଭାଗ... RTO ଏବଂ IGRକୁ ଚିଠି ଲେଖିଛି । ଦାମୀ କାର ବିକ୍ରି ନହେବା ପାଇଁ RTOକୁ ୫ଟି ଗାଡିର ତଥ୍ୟ ଦେଇଛି ଆୟକର ବିଭାଗ । ସେହିସବୁ ଦାମୀ ଗାଡିକୁ ବ୍ଲକ କରିଛି RTO । ସେହିଭଳି ହଂସିତା ଏବଂ ଅନିଲଙ୍କ ଠାରୁ ମିଳିଥିବା ସମ୍ପତି ବିକ୍ରି ନ ହେବା ପାଇଁ IGR କୁ ଚିଠି ଲେଖିଛି ଆୟକର ବିଭାଗ । ଆୟକର ବିଭାଗ ସୂଚନା ଅନୁଯାଇ ଅନିଲ ଏବଂ ହଂସିତା ଙ୍କ ସହ ସମ୍ପୃକ୍ତି ଥିବା 15ରୁ ଅଧିକ ଲୋକଙ୍କୁ ଜେରା କରିଛି ଆୟକର ବିଭାଗ । ଆଗକୁ ଏହି ସଂଖ୍ୟା ବଢ଼ିବାର ମଧ୍ୟ ସମ୍ଭାବନା ରହିଛି । ଏନେଇ ଏକ ତାଲିକା ମଧ୍ୟ ପ୍ରସ୍ତୁତ କରିଛି IT ଟିମ । ହଂସିତାଙ୍କ ବ୍ୟାଙ୍କ ଲକରରେ ୧ କେଜି ସୁନା ବନ୍ଧକ ରଖିଥିବା କଥା ମଧ୍ୟ ଆୟକର ବିଭାଗ ଜାଣିବାକୁ ପାଇଛି ।

ଅଧିକ ପଢ଼ନ୍ତୁ ରାଜନୀତି ଖବର: