ଶ୍ରୀମନ୍ଦିର ଉତ୍ତରପାର୍ଶ୍ଵ ଦ୍ଵାର ପାଇବ ନୂଆ ରୂପ । ବଦଳିବ ଶ୍ରୀମନ୍ଦିର ଉତ୍ତର ପାର୍ଶ୍ଵ, ଭିତର ଗୁମୁଟର ପୁରାତନ କବାଟ । ନୂଆ ସେଣ୍ଟ୍ରାଲ ପ୍ରୋଭିନ୍ସ ଶାଗୁଆନ କାଠରେ ପ୍ରସ୍ତୁତ ହେବ କବାଟ । ପିତ୍ତଳ ଚାଦରରେ ଆଚ୍ଛାଦିତ ହେବ ଏହି ଶାଗୁଆନ କାଠ କବାଟ । ଟେଣ୍ଡର ବିଜ୍ଞପ୍ତି ପ୍ରକାଶ କଲା ଶ୍ରୀମନ୍ଦିର ପ୍ରଶାସନ ।୧୯ ଲକ୍ଷ ୭୫ ହଜାର ୪୫୩ ଟଙ୍କାର ରହିଛି ଆକଳନ ମୂଲ୍ୟ । କାର୍ଯ୍ୟ ଶେଷ କରିବାକୁ ୨ ମାସର ଅବଧି ରଖାଯାଇଛି ।ସେପଟେ ସିଂହଦ୍ୱାର ସମ୍ମୁଖ ବାଗେଡିଆ ଧର୍ମଶାଳାରେ ଶ୍ରୀଜଗନ୍ନାଥ ମନ୍ଦିର ପ୍ରଶାସନ କାର୍ଯ୍ୟାଳୟ ପାଇଁ ହେବ ନିର୍ମାଣ କାର୍ଯ୍ୟ । ଖର୍ଚ୍ଚ ଆକଳନ ହୋଇଛି ୧୮ ଲକ୍ଷ ୬୮ ହଜାର ୫୪୦ ଟଙ୍କା । ଏନେଇ ମଧ୍ୟ ବିଜ୍ଞପ୍ତି ପ୍ରକାଶ କରିଛି ଶ୍ରୀମନ୍ଦିର ପ୍ରଶାସନ ।

ପୁରୀକୁ ସବୁଦିନ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ଆଗମନ ହୋଇଥାଏ। ଜଗତରନାଥ ଜଗନ୍ନାଥଙ୍କୁ ଦେଖିବା ପାଇଁ ଧାଇଁ ଆସିଥାନ୍ତି ଭକ୍ତଗଣ। ଯାହାକୁ ଦୃଷ୍ଟିରେ ରଖି ପୁରୀକୁ ଅଧିକ ସରସ ସୁନ୍ଦର କରିବା ପାଇଁ ଚାଲିଛି ପ୍ରସ୍ତୁତି।

ଅଧିକ ପଢ଼ନ୍ତୁ ଓଡ଼ିଶା ଖବର: