ଦେଶରେ ବଢ଼ିବଢ଼ି ଚାଲିଛି କରୋନା ଆକ୍ରାନ୍ତଙ୍କ ସଂଖ୍ୟା । ବର୍ତ୍ତମାନ ଦେଶରେ ୨୭୧୦ ଜଣ ସକ୍ରିୟ କୋଭିଡ୍ ଆକ୍ରାନ୍ତ ରହିଛନ୍ତି । ତେବେ ଗତକାଲିରୁ ଆଜି ଭିତରେ କୋଭିଡ୍ ଆକ୍ରାନ୍ତଙ୍କ ସଂଖ୍ୟା ୫୧୧ ବଢ଼ିଛି । କେରଳରେ ୨୨୭ ଜଣ କୋଭିଡ୍ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ମହାରାଷ୍ଟ୍ରରେ ଚିହ୍ନଟ ହୋଇଛନ୍ତି ୪୦ ଜଣ ଏବଂ ପଶ୍ଚିମବଙ୍ଗରେ ୫୯ ଜଣ ।

କେରଳରେ ସର୍ବାଧିକ ୧୧୪୭ ଜଣ ସକ୍ରିୟ କୋଭିଡ୍ ଆକ୍ରାନ୍ତ ରହିଛନ୍ତି । ସେହିପରି ଦିନକରେ ୭ ଜଣ କୋଭିଡ୍ ଆକ୍ରାନ୍ତଙ୍କ ମୃତ୍ୟୁ ଘଟିଛି । ମହାରଷ୍ଟ୍ରରେ ୨, ଦିଲ୍ଲୀ, ଗୁଜରାଟ, କର୍ଣ୍ଣାଟକ, ପଞ୍ଜାବ ଓ ତାମିଲନାଡୁରେ ଜଣେ ଲେଖାଏଁ ଆକ୍ରାନ୍ତଙ୍କ ଜୀବନ ଯାଇଛି । ଦୁଇ ସପ୍ତାହ ତଳେ ସାରା ଦେଶରେ କୋଭିଡ୍ ଆକ୍ରାନ୍ତଙ୍କ ସଂଖ୍ୟା ଥିଲା ୨୫୭ । ସେପଟେ ଓଡ଼ିଶାରେ ୭ ଜଣ କୋଭିଡ୍ ଆକ୍ରାନ୍ତ ରହିଛନ୍ତି ।