ଏବେ ସୁଦ୍ଧା ସୁଭଦ୍ରାରେ କୋଟିଏ ୮ ଲକ୍ଷ ମହିଳା ଆବେଦନ କରିଛନ୍ତି । ସେଥିରୁ ୫ଟି ପର୍ଯ୍ୟାୟରେ ପ୍ରାୟ କୋଟିଏ ୨୦ ହଜାର ମହିଳାଙ୍କୁ ପ୍ରଥମ କିସ୍ତି ଦିଆଯିବ । ଆସନ୍ତାକାଲି କୋଟିଏ ପାର୍ କରିବ ସୁଭଦ୍ରା ହିତାଧିକାରୀ । ଫିଲଡ଼ ଭେରିଫିକେସନ ପରେ ଯାହା ରହିଯିବ ରକ୍ଷା ବନ୍ଧନରେ ୩ଟି କିସ୍ତି ମିଳିବ। ମାର୍ଚ୍ଚ ୩୧ ଆବେଦନର ଶେଷ ତାରିଖ ବୋଲି କହିଛନ୍ତି ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ।୨୦୩୬ ସୁଦ୍ଧା ବିକଶିତ ଓଡ଼ିଶା ଗଠନର ଲକ୍ଷ୍ୟ ସାଙ୍ଗକୁ ୨୦୪୭ ସୁଦ୍ଧା ପୂର୍ଣ୍ଣ ବିକଶିତ ଭାରତ ନିର୍ମାଣ ପାଇଁ ପ୍ରଧାନମନ୍ତ୍ରୀଙ୍କ ଲକ୍ଷ୍ୟ ରହିଛି । ଏ ସୁଭଦ୍ରା ଯୋଜନା ମହିଳାଙ୍କ ଆତ୍ମବିଶ୍ବାସ ବଢାଇବା ସହ ସେମାନଙ୍କୁ ପ୍ରୋତ୍ସାହିତ କରୁଛି ।

`ସୁଭଦ୍ରା' ଏମିତି ଏକ ଯୋଜନା, ଯେଉଁଥିରେ ରାଜ୍ୟର ୧ କୋଟିରୁ ଅଧିକ ମହିଳା ଉପକୃତ ହୋଇସାରିଲେଣି । ମହିଳାମାନେ ଆର୍ଥିକ ଭାବେ ସ୍ବାବଲମ୍ବୀ ହେବା ସହ ସାମାଜିକ ସମ୍ମାନ ବି ପାଉଛନ୍ତି । ଗତ ନିର୍ବାଚନରେ ବିଜେପି ପ୍ରଚାରର ବଡ଼ ଅସ୍ତ୍ର ଥିଲା `ସୁଭଦ୍ରା' । ଯାହାକୁ ଏକ ବ୍ରାଣ୍ଡ ଭାବେ ତିଆରି କରାଯାଇଥିଲା । ଆଉ ଏହା ବିଜେଡିର ଭୋଟ୍ ବ୍ୟାଙ୍କକୁ ଭାଙ୍ଗିଥିଲା । ସୁଭଦ୍ରା ଯୋଜନାରେ ସ୍ବାବଲମ୍ବୀ ହୋଇ ବନିବେ ଲକ୍ଷପତି ଦିଦି । ରାଜ୍ୟ ସରକାରଙ୍କ ପକ୍ଷରୁ ବଡ଼ ବ୍ରାଣ୍ଡ ଭାବେ ତିଆରି ହେଉଛି ସୁଭଦ୍ରା । ସୁଭଦ୍ରାକୁ ନେଇ ସଚେତନ କରିବା ଉଦ୍ଦେଶ୍ୟରେ ସୁଭଦ୍ରା ପଦଯାତ୍ରା, ସୁଭଦ୍ରା ରଥ ଓ ସୁଭଦ୍ରା ଶକ୍ତି ମେଳାର ବି ଆୟୋଜନ କରାଯାଉଛି ।

ଓଡ଼ିଶାର ମାଆ ଓ ଭଉଣୀ ମାନଙ୍କୁ ସଶକ୍ତ ଓ ସ୍ବାବଲମ୍ବୀ କରିବା ସହ ନାରୀ ସଶକ୍ତୀକରଣର ନୂଆ ପ୍ରତୀକ ହେବ ସୁଭଦ୍ରା ଯୋଜନା । 5 ବର୍ଷରେ ମିଳିବ ମୋଟ 50 ହଜାର ଟଙ୍କା । ଗତ ନିର୍ବାଚନରେ ସୁଭଦ୍ରା ଥିଲା ବିଜେପି ପାଇଁ ଗେମ୍ ଚେଞ୍ଜର ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV