ଖୋର୍ଦ୍ଧା ରୋଡ୍-ବଲାଙ୍ଗୀର ନୂତନ ରେଳ ଲାଇନ ପ୍ରକଳ୍ପରେ ନୟାଗଡ ଜିଲ୍ଲାର ବୁଗୁଡ଼ା ଏବଂ ଦଶପଲ୍ଲା ମଧ୍ୟରେ ଅବସ୍ଥିତ ସୁଡଙ୍ଗ ନମ୍ବର T2 ର ଖନନ କାର୍ଯ୍ୟ ସଫଳତା ସହିତ ସମାପ୍ତ ହୋଇଛି । ଯାହା ଏକ ଐତିହାସିକ ମାଇଲଖୁଣ୍ଟ ହାସଲ କରିଛି । ଏହି ରଣନୈତିକ ରେଳ କରିଡରରେ ସମସ୍ତ ୭ଟି ସୁଡଙ୍ଗରେ ଖନନ କାର୍ଯ୍ୟ ସମାପ୍ତ ହେବା ସହିତ ଶେଷ ସୁଡ଼ଙ୍ଗ T2 କାର୍ଯ୍ୟ ୩୦ ମେ ୨୦୨୫ ରେ ସମାପ୍ତ ହୋଇଛି । ଆଧୁନିକ ରେଳ ପଥ ନିର୍ମାଣରେ 1,775 ମିଟର ଦୈର୍ଘ୍ୟ T2 ସୁଡ଼ଙ୍ଗ 2-ଡିଗ୍ରୀ ବକ୍ର ସହ ନିର୍ମାଣ କରାଯାଇଛି । ଏହା ନୂତନ ପ୍ରଯୁକ୍ତିବିଦ୍ୟା ପଦ୍ଧତି - ନୂତନ ଅଷ୍ଟ୍ରିଆନ୍ ଟନେଲିଂ ପଦ୍ଧତି (NATM) ରେ ନିର୍ମିତ ହୋଇଛି ।

ସୁଡଙ୍ଗ T2 ନୟାଗଡ ଜିଲ୍ଲାର ଦ୍ୱିତୀୟ ଦୀର୍ଘତମ ସୁଡଙ୍ଗ ଏବଂ ପ୍ରକଳ୍ପର ଏକ ଗୁରୁତ୍ୱପୂର୍ଣ୍ଣ ଅଂଶ । ଏହା ଚ୍ୟାଲେଞ୍ଜିଂ ପୂର୍ବଘାଟ ଭୂଖଣ୍ଡକୁ ଦୂର କରିବା ପାଇଁ ଉନ୍ନତ ପ୍ରଯୁକ୍ତିବିଦ୍ୟା ଏବଂ ଟନେଲିଂ ପଦ୍ଧତି ବ୍ୟବହାର କରି ନିର୍ମାଣ କରାଯାଇଛି । ଯାହା ଭାରତୀୟ ରେଳବାଇ ପାଇଁ ଭିତ୍ତିଭୂମି କାର୍ଯ୍ୟାନ୍ୱୟନରେ ଏକ ନୂତନ ମାନଦଣ୍ଡ ସ୍ଥାପନ କରିଛି । T2 ସୁଡ଼ଙ୍ଗ ସମାପ୍ତ ହେବା ସହିତ ଦଶପଲ୍ଲା ଏବଂ ପୁରୁଣାକଟକ ମଧ୍ୟରେ ୭୫ କିଲୋମିଟର ଦୈର୍ଘ୍ୟ ନିର୍ମାଣାଧୀନ ରେଳମାର୍ଗରେ ସମସ୍ତ ୭ଟି ସୁଡ଼ଙ୍ଗର ଖନନ କାର୍ଯ୍ୟରେ ସଫଳତା ହାସଲ କରିଛି ।