ପୁଅଟିଏ ହେଲେ ବାପା ମାଆ ଭାରି ଖୁସି ହୁଅନ୍ତି । କାହିଁକି ନା ପୁଅଟି ଘରେ ରହିବ, ବୃଦ୍ଧ ବୟସ ହେଲେ ପୁଅଟି ବାପାମାଙ୍କ ଯତ୍ନ ନେବ , ପରିବାର ପୋଷିବ । ହେଲେ ପୁଅଟା ଯେତେବେଳେ ଅମଣିଷ ପାଲଟିଯାଏ, ସେତେବେଳେ ବା କହିବ କାହାକୁ ? କିଛି ଏମିତି ଘଟଣା ଯାହା ଦେଖିବା ପରେ ହୃଦୟକୁ ବ୍ୟଥିତ କରିଛି । ବାପାକୁ ବାହାରପଟୁ ତାଲା ପକାଇ ଫେରାର ହୋଇଯାଇଛି ପୁଅ । ଏପରି ଘଟଣା ଘଟିଛି ବ୍ରହ୍ମପୁର ଗାନ୍ଧିନଗର ଫୋର୍ଟ ଲେନରେ । ବାପା ବାପା ପ୍ରକାଶ ଚନ୍ଦ୍ର କୋଠୀଆ ଙ୍କୁ ନିଜ ଘର ଭିତରେ ରଖି ବାହାରୁ ତାଲା ପକାଇ ପଳାଇଛି । ଘଟଣାକୁ ନେଇ ସ୍ଥାନୀୟ ଲୋକେ ପୋଲିସରେ ଜଣାଇବା ପରେ ପୋଲିସ ଘର ବାହାରେ ପହଞ୍ଚି ବାପାକୁ ପଚରା ଉଚରା କରିଥଇଲେ ।

ପୁଅର ବାପା କହିଛନ୍ତି, ତାଙ୍କ ପୁଅ ରାୟଗଡାରେ ଚାକିରି କରେ । ସେ ଯେତେବେଳେ ଘରକୁ ଆଶେ ଘରେ ତାଙ୍କ ସହ ପାଟିଗୋଳ କରେ । ପୁଣି ଚାଲିଯାଏ । ରଥଯାତ୍ରା ବେଳେ ସେମିତି ପାଟିଗୋଳ କରି ଯାଇଥିଲା । ଏନେଇ ପୂର୍ବରୁ ସେ ପୋଲିସକୁ ଜଣାଇଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନିଆଯାଇନଥିଲା । ପ୍ରକାଶ ବାବୁ ଘରେ ଏକା ମଣିଷ ରହୁଥିବା ବେଳେ ତାଙ୍କର ରକ୍ତଚାପ , ମଧୁମେହ ଆଦି ରୋଗ ରହିଛି । ଆଜି ସକାଳେ ଆସି ତାଲା ପକେଇଦେଇ ଯାଇଥିବା ଅଭିଯୋଗ କରିଛନ୍ତି ପ୍ରକାଶ । ଘଟଣାସ୍ଥଳରେ ପୋଲିସ ପଚରାଉଚରା ଜାରି ରଖିଛି ।