ମନମୁଖୀ ଭାବେ ଗାଡ଼ିରେ ଲଗାଇପାରିବେନି ନାଲିବତୀ । ବିଭିନ୍ନ ବିଭାଗକୁ ଚିଠି ଲେଖିଲେ ପରିବହନ ସଚିବ । ବିଭିନ୍ନ ବିଭାଗର ଅଧିକାରୀମାନେ ଯେପରି ମନମୁଖୀ ଭାବେ ଗାଡ଼ିରେ ନାଲିବତୀ ନ ଲଗାନ୍ତି ସେନେଇ ପ୍ରତ୍ୟେକ ବିଭାଗକୁ ଚିଠି ଲେଖି ସତର୍କ କରାଇଛନ୍ତି ପରିବହନ ସଚିବ । ରାଜ୍ୟରେ ଶହଶହ ଗାଡ଼ିରେ ନାଲିବତୀ ଲାଗିଥିଲାବେଳେ ପ୍ରାଧିକୃତ ଅଧିକାରୀ ଭାବରେ ରାଜ୍ୟ ପରିବହନ ପ୍ରାଧିକରଣରୁ କେହି ଜଣେ ଏଥିପାଇଁ ଅନୁମତି ନେଇନଥିବା ମଧ୍ୟ ପରିବହନ ସଚିବ ସ୍ପଷ୍ଟ କରିଛନ୍ତି ।

ଯେଉଁମାନେ ଗାଡ଼ିରେ ବତୀ ଲଗାଇବାକୁ ଚାହୁଁଛନ୍ତି ସେମାନେ ଏସ୍‌ଟିଏରେ ଆବେଦନ କରି ଅନୁମତିମୂଳକ ଷ୍ଟିକର ନେବା ଲାଗି ସଚିବ ଚିଠିରେ ଉଲ୍ଲେଖ କରିଛନ୍ତି । କେଉଁ ଗାଡ଼ିରେ ବତୀ ଲାଗିପାରିବ ସେ ସଂପର୍କରେ ନିଷ୍ପତ୍ତି ନେବା ପାଇଁ ଏସ୍‌ଟିଏକୁ ଦାୟିତ୍ଵ ଦିଆଯାଇଛି । ଯେଉଁ ଅଧିକାରୀଙ୍କ ଗାଡ଼ିରେ ମଲ୍‌ଟି କଲର୍‌ ବତୀ ଲାଗିବ ତାଙ୍କୁ ଏସ୍‌ଟିଏ ପକ୍ଷରୁ ଏକ ଷ୍ଟିକର ମଧ୍ୟ ଦିଆଯିବ ।