ଉପର ମୁଣ୍ଡରେ ଜଳସ୍ତର ବଢିବା ସାଙ୍ଗକୁ ଲଘୁଚାପ ଜନିତ ବର୍ଷା ଆଉ ହୀରାକୁଦର ୨୦ଟି ଗେଟ ଖୋଲିବା ପରେ ଏବେ ତଳ ମୁଣ୍ଡରେ ବନ୍ୟା ଆଶଙ୍କା ନେଇ ଚିନ୍ତା। ପୁରୀ ଜିଲ୍ଲାର କଣାସ, ଡେଲାଙ୍ଗ, ଗୋପ, ବଳଙ୍ଗା ଓ ବ୍ରହ୍ମଗିରି ଆଦି ଅଂଚଳରେ । ପ୍ରବାହିତ ନଦୀ ଦୟା,ମକରା, ମଲାଗୁଣି, ଲୁଣା, ଭାର୍ଗବୀ, କୁଶଭଦ୍ରାର ନଦୀବନ୍ଧର ସ୍ଥିତି ଅନୁଧ୍ୟାନ କରିଛି ଜଳ ସମ୍ପଦ ବିଭାଗ। ଏକ ସ୍ୱତନ୍ତ୍ର ବୈଷୟିକ ଟିମ୍ ସମସ୍ତ ନଦୀବନ୍ଧର ସ୍ଥିତି ସହ ଗଳିଆ ପଡୁଥିବା ସ୍ଥାନର ସ୍ଥିତି ଯାଞ୍ଚ କରିଛନ୍ତି । ସେଠାରେ ପଥର ପ୍ୟାକିଙ୍ଗ କରି ମରାମତି ହୋଇଛି । ଏବେ ବନ୍ୟାର ଆଶଙ୍କା ନଥିଲେ ବି ଜିଲ୍ଲାର ସମସ୍ତ ବ୍ଲକର ବିଡ଼ିଓ ଓ ତହସିଲଦାରଙ୍କୁ ନେଇ ଟିମ ଗଠନ କରି ପ୍ରସ୍ତୁତି ଆରମ୍ଭ ହୋଇଛି।

ସେପଟେ ସମ୍ଭାବ୍ୟ ବନ୍ୟାକୁ ନେଇ ପୁରୀ ଜିଲାରେ ଅଗ୍ନିଶମ କର୍ମଚାରୀଙ୍କ ଛୁଟି ବାତିଲ କରାଯାଇଛି। ଅର୍ବାନ ଫ୍ଲଡିଙ୍ଗର ଆଶଙ୍କା ରହୁଥିବାରୁ ପମ୍ପ ସେଟ୍ ଓ ବୋଟ୍ ପ୍ରସ୍ତୁତ ରଖାଯାଇଛି। ଲାଇଫ ଜ୍ୟାକେଟ, କଟର, ରେସକ୍ୟୁ ଟ୍ଵିଉ, ଦଉଡି, ବୋଟ, ପମ୍ପ ସେଟ ଆଦି ସରଞ୍ଜାମ ପ୍ରସ୍ତୁତ ରହିଛି ।

ରାଜ୍ୟ ସରକାର ସମ୍ଭାବ୍ୟ ବନ୍ୟାକୁ ନେଇ ପ୍ରସ୍ତୁତି ଆରମ୍ଭ କରିଛନ୍ତି। ଜିରୋ କାଜୁଆଲଟି ଓ ତଳିଆ ଅଂଚଳରୁ ଲୋକଙ୍କୁ ସ୍ଥାନାନ୍ତର, ଆବଶ୍ୟକ ଖାଦ୍ୟ ସାମଗ୍ରୀ ମହଜୁଦ ସହ ଅର୍ବାନ ଫ୍ଲଡିଙ୍ଗକୁ ଗୁରୁତ୍ୱ ଦେଇ ସବୁ ବିଭାଗକୁ ଆଲର୍ଟରେ ରଖାଯାଇଛି