ପୁରୀ: 3 କାଠ ଆଲମିରା , ଗୋଟିଏ ଷ୍ଟିଲ ଆଲମିରା , 2ଟି କାଠ ସିନ୍ଦୁକ ଓ ଗୋଟିଏ ଲୁହା ସିନ୍ଦୁକ । ଭିତର ରତ୍ନ ଭଣ୍ଡାର ଖୋଲିବା ପରେ ରତ୍ନ ଭଣ୍ଡାର ତଦାରଖ କମିଟି ନଜରର ପଡିଥିଲା ଶହ ଶହ ବର୍ଷ ପୁରୁଣା କଳଙ୍କି ଓ ତାଲା ଲଗା ସିନ୍ଦୁକ । ଯାହାକୁ ଭାଙ୍ଗିବା ପରେ ବାହାରିଲା ମହାପ୍ରଭୁ ଙ୍କ ରତ୍ନ ଓ ସ୍ବର୍ଣ୍ଣ ଅଳଙ୍କାର । ହେଲେ ଆଲମିରା ହଟାଇବା ବେଳକୁ ହଠାତ ନଜରକୁ ଆସିଲା ବହୁ ପୁରାତନ ରାଜ ରାଜୁଡ଼ା ଅମଳର ଯୁଦ୍ଧାସ୍ତ୍ର । କଳଙ୍କି ଲାଗି କଳା ପଡି ଯାଇଥିବାରୁ କେଉଁ ଧାତୁ ରା ତିଆରି ଜଣାପଡୁନଥିଲା । ଖଣ୍ଡା , ବର୍ଛ୍ଛା ସହ ଥିଲା ଠାକୁର ରଖିବା ଖଟୁଲି। ଚର୍ଚ୍ଚା ହେଉଛି ରାଜ୍ୟ ଜୟ ପରେ ସୁନା ଅଳଙ୍କାର ସହ ଅଣା ଯାଇଥିବା ଯୁଦ୍ଧ ସାମଗ୍ରୀକୁ ରତ୍ନଭଣ୍ତାର ଭିତରେ ରଖାଯାଇଥିଲା । ତେବେ ଏହା କେଉଁ କେତେ ବର୍ଷ ପୁରୁଣା , କେଉଁ ରାଜା ଙ୍କ ସମୟର ଓ କେଉଁ ଧାରତୁରେ ତିଆରି ତାହା ଅନୁସନ୍ଧାନ ପରେ ଜରପଡିବ ବୋଲି କହିଛନ୍ତି ଇତିହାସ ଗବେଷକ ।

ସେପଟେ ରତ୍ନ ଭଣ୍ଡାର ର ଭିତର ର ମରାମତି ର ଆବଶ୍ୟକତା ଥିଲେ ମଧ୍ୟ କାନ୍ଥ ଓ ଛାତ କେତ ଦୂର୍ବଳ ହୋଇଛି ତାହା ଜଣାପଡି ନାହିଁ । ତେଣୁ ଏ ଏସ ଆଇ ଦ୍ବାରା ଆଉ ଥରେ ଲେଜର ସ୍କାନିଂ କରିବାକୁ ରାଜ୍ୟ ସରକାର ଙ୍କୁ ଅନୁରୋଧ କରିବ ୧୧ ଜଣିଆ ତଦାରଖ କମିଟି । ସରକାର ସହମତି ପ୍ରକାଶ କଲେ ଏସ ଓ ପି ରେ ଏହାକୁ ଯୋଡା ଯିବା ସହ ଭିତର ଭଣ୍ଡାର ର ଲେଜର ସ୍କାନିଂ ହେବ।

ରାଜ୍ୟ ସରକାରଙ୍କ ଜାରି ମାର୍ଗଦର୍ଶିକା ଅନୁସାରେ ଗତ 14 ତାରିଖ ଦିନ ଶ୍ରୀମନ୍ଦିର ରତ୍ନଭଣ୍ଡାର ଖୋଲାଯାଇଥି୍ଲା । ପ୍ରଥମେ ବାହାର ରତ୍ନଭଣ୍ଡାର ଖୋଲାଯାଇ ସମସ୍ତ ଅଳଙ୍କାର ଏବଂ ଜିନିଷପତ୍ରକୁ ଅସ୍ଥାୟୀ ଷ୍ଟ୍ରଙ୍ଗରୁମ ଭାବେ ଚାଙ୍ଗଡା ଏବଂ ଫୁଲ ଘରକୁ ସ୍ଥାନାନ୍ତର କରାଯାଇଥିଲା । ଗତକାଲି ସାଢ଼େ ସାତ ଘଣ୍ଟା ର ଅକ୍ଲାନ୍ତ ପରିଶ୍ରମ ପରେ ଭିତର ଭଣ୍ଡାର ଗୃହରେ ଥିବା ସମସ୍ତ ଅଳଙ୍କାର କୁ ଅସ୍ଥାୟୀ ଷ୍ଟ୍ରଙ୍ଗରୁମକୁ ଅଣାଯାଇଛି । ରାଜ୍ୟ ସରକାରଙ୍କ ଅନୁମୋଦିତ ମାର୍ଗଦର୍ଶିକା ଅନୁସାରେ ଖୁବଶୀଘ୍ର ଭାରତୀୟ ପ୍ରତ୍ନତତ୍ତ୍ବ ବିଭାଗକୁ ରତ୍ନଭଣ୍ଡାର ମରାମତି ପାଇଁ ହସ୍ତାନ୍ତର କରାଯିବ ବୋଲି ଜଣାପଡିଛି।

ଖୋଲିଲା ଭିତର ରତ୍ନଭଣ୍ଡାର, ସ୍ଥାନାନ୍ତରଣ ହେବ ଅଳଙ୍କାର

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV