ଅନୁଗୁଳରେ ସଭିଙ୍କର ରଖେ ଧ୍ୟାନ, ଟିବି ମୁକ୍ତ ଭାରତ ଅଭିଯାନ ଅନ୍ତର୍ଗତ 'ନିକ୍ଷୟ ମିତ୍ର' କାର୍ଯ୍ୟକ୍ରମରେ ସାମିଲ୍ ହେଲେ କେନ୍ଦ୍ର ଶିକ୍ଷାମନ୍ତ୍ରୀ । ଏହି ଅବସରରେ ଟିବି ସଚେତନତା ରଥ ଗୁଡ଼ିକୁ ପତାକା ଦେଖାଇ ଶୁଭାରମ୍ଭ କରିଥିଲେ ଧର୍ମେନ୍ଦ୍ର ପ୍ରଧାନ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଏବଂ ରାଜ୍ୟ ସରକାରଙ୍କ ଉଦ୍ୟମରେ ଏହି କାର୍ଯ୍ୟକ୍ରମ କରାଯାଇଥିଲା । କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି,

- ସମାଜରେ 2025ରେ ଭାରତରେ ଟିବିକୁ ମୂଳୋତ୍ପାଟନ କରିବା ହେଉଛି ଏହି କାର୍ଯ୍ୟକ୍ରମର ଉଦ୍ଦେଶ୍ୟ ।
-ନିକ୍ଷୟ ମିତ୍ର କାର୍ଯକ୍ରମ ବ୍ୟକ୍ତିଗତ ଆନ୍ଦୋଳନ ହେବା ଦରକାର
-ଜନ ପ୍ରତିନିଧିମାନଙ୍କୁ ମଧ୍ୟ ନେତୃତ୍ବ ନେଇ ଟିବି ମୁକ୍ତ ପାଇଁ କାମ କରିବାକୁ ଆହ୍ଵାନ ଦେଲେ ଧର୍ମେନ୍ଦ୍ର
- ସମସ୍ତଙ୍କୁ ଟିବି ମୁକ୍ତ ଭାରତ ଅଭିଯାନରେ ଯୋଗଦାନ କରିବା ପାଇଁ କରାଇଲେ ଶପଥ ପାଠ
- ନିକ୍ଷୟ ମିତ୍ର ମାନଙ୍କୁ ଗାଁ ଗାଁ ବୁଲି ଯେଉଁ ଆଶା ଭଉଣୀ ମାନେ ଖୋଜି ବାହାର କରିଛନ୍ତି, ସେମାନଙ୍କୁ ଏହି କାର୍ଯ୍ୟକ୍ରମ ସମର୍ପିତ ।
-ଅନୁଗୁଳ ଜିଲ୍ଲାରେ 1380 ଟିବି ରୋଗୀ ଚିହ୍ନଟ ହୋଇଛନ୍ତି ।
-ଏମାନଙ୍କ ମଧ୍ୟରୁ 'ନିକ୍ଷୟ ମିତ୍ର'ରେ ଯୋଡିହୋଇ ଚିକିତ୍ସା ପ୍ରଣାଳୀରେ ପାଖାପାଖି 750 ରୋଗୀ ସଂଲଗ୍ନ ହେଲେଣି ।
-ଟିବି ଭଳି ମାରାତ୍ମକ ରୋଗକୁ ଡରିବାର କିଛି ନାହିଁ
-6 ମାସ ଚିକିତ୍ସାରେ ଠିକ୍ ହୋଇପାରିବେ

ନିକ୍ଷୟ ମିତ୍ର ସାଜିଥିବା ଓଡ଼ିଆ ଝିଅ ଗାର୍ଗୀଙ୍କୁ ମଞ୍ଚ ଉପରେ ପ୍ରଶଂସା କଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କେନ୍ଦ୍ର ସରକାର ପ୍ରତି ରୋଗୀଙ୍କୁ 1 ହାଜର ଟଙ୍କା ଏବଂ ଔଷଧ ଦେଉଛନ୍ତି । ଏହାସହ ପରିବାର ର 4ଜଣଙ୍କୁ ହାମ୍ପର ଦେଉଛନ୍ତି ସରକାର । ଗରିବ ଲୋକଙ୍କୁ ସେବା କରିବା ପୁଣ୍ୟ କାମ । ଜିଲ୍ଲା ପ୍ରଶାସନ ମଧ୍ୟ ଏହି ପୁଣ୍ୟ କାମ କରୁଥିବାରୁ ଧନ୍ୟବାଦ ଜଣାଇଲେ ମନ୍ତ୍ରୀ । 2036 ସୁଦ୍ଧା ଓଡ଼ିଶାକୁ ସ୍ୱୟଂ ସଂପୂର୍ଣ୍ଣ ସୁସ୍ଥ ରାଜ୍ୟରେ ପରିଣତ କରିବାକୁ ହେଲେ ସମସ୍ତଙ୍କୁ ଦାୟିତ୍ଵ ନେବାକୁ ପଡ଼ିବ । ଗାର୍ଗୀ ଭଳି ଝିଅ ଆମ ସମସ୍ତଙ୍କୁ ଉପାୟ କହିଛି । ସମସ୍ତଙ୍କୁ ଟିବି ମୁକ୍ତ ଭାରତ ପାଇଁ ଶପଥ ପାଠ କରାଇଲେ କେନ୍ଦ୍ର ମନ୍ତ୍ରୀ । ଯକ୍ଷ୍ମାର ଭୟକୁ ଦୂର କରିବା ପାଇଁ ଶପଥ କରାଇଲେ ଧର୍ମେନ୍ଦ୍ର ।

ଅନୁଗୋଳ ବଅଁରପାଳରେ ୨ କୋଟି ଟଙ୍କା ମୂଲ୍ୟର ଉନ୍ନୟନମୂଳକ ପ୍ରକଳ୍ପର ଶିଳାନ୍ୟାସ କଲେ କେନ୍ଦ୍ର ଶିକ୍ଷା ମନ୍ତ୍ରୀ । ବଅଁରପାଳରେ ଶିକ୍ଷା, ସ୍ୱାସ୍ଥ୍ୟ ଓ ରୋଜଗାରକୁ ବ୍ୟାପକ କରାଇବାକୁ ଦେଲେ ଆହ୍ବାନ । 1 କୋଟି 25 ଲକ୍ଷ ବ୍ୟୟରେ ବଅଁରପାଳ ଛକର ସମନ୍ୱିତ ବିକାଶ, ୫୦ ଲକ୍ଷ ବ୍ୟୟରେ ଗୋତମରା ପୋଖରୀର ନବୀକରଣ, ୨୫ ଲକ୍ଷ ଟଙ୍କା ବ୍ୟୟରେ ପିଏସଏସଜେ ଜୁନିୟର କଲେଜରେ ଲ୍ୟାବ୍ ତିଆରି ସହ ଖେଳପଡ଼ିଆର ଉନ୍ନତି ହେବ । ଶୁଭାରମ୍ଭ ହୋଇଥିବା ପାଖାପାଖି ୨ କୋଟି ମୂଲ୍ୟର ପ୍ରକଳ୍ପ ଗୁଡ଼ିକ ବଅଁରପାଳକୁ ନୂଆ ପରିଚୟ ଦେବ । ଗୋତମରା ପୋଖରୀ ନିକଟରେ ବିଶିଷ୍ଟ ରାଜନୀତିଜ୍ଞ ସ୍ୱର୍ଗତ ଅଦ୍ୱୈତ ପ୍ରସାଦ ସିଂହଙ୍କ ପ୍ରତିମୂର୍ତ୍ତି ସ୍ଥାପନ କରିବାକୁ ପ୍ରସ୍ତାବ ଦେଲେ କେନ୍ଦ୍ର ଶିକ୍ଷା ମନ୍ତ୍ରୀ । ପିଏସଏସଜେ କଲେଜରେ ଟାଟା ଷ୍ଟିଲ ଫାଉଣ୍ଡେସନର ବାର୍ଷିକ ଉତ୍ସବ ‘ଅରୁଣିମା- ୨୦୨୫’ ଯୋଗ ଦେଲେ । ସ୍ଥାନୀୟ ଅଞ୍ଚଳର ଆବଶ୍ୟକତାକୁ ପୂରଣ କରିବା ପାଇଁ ଜିଲ୍ଲା ପ୍ରଶାସନ ସହ ଟାଟା ଷ୍ଟିଲ୍ ଫାଉଣ୍ଡେସନ ସହଯୋଗୀ ହେଉ ବୋଲି କହିଥିଲେ କେନ୍ଦ୍ର ଶିକ୍ଷା ମନ୍ତ୍ରୀ । ବଅଁରପାଳ ଅଞ୍ଚଳରେ ଶିକ୍ଷାର ବିକାଶ ପାଇଁ ସପ୍ତମ ବା ତଦୁର୍ଦ୍ଧ ଶ୍ରେଣୀରେ ପଢୁଥିବା ଅନୁସୂଚିତ ଜାତି ଓ ଅନୁସୂଚିତ ଜନଜାତି ବର୍ଗର ପିଲାମାନଙ୍କୁ “ଜ୍ୟୋତି ଛାତ୍ରବୃତ୍ତି” ପ୍ରଦାନ କରିଥିଲେ । ଏହି ଗସ୍ତ ସମୟରେ କେନ୍ଦ୍ରମନ୍ତ୍ରୀ ବଅଁରପାଳ ବ୍ଲକ ତଳମୂଳ ସ୍ଥିତ ଦୁର୍ଗା ମାଧବ ମନ୍ଦିର ଓ ଶନିଶ୍ଚର ମନ୍ଦିରରେ ଦର୍ଶନ କରିଥିଲେ ।

Argus News | argus news | Odisha Latest News, Breaking News, Trending News, Live TV