ଗାଁ ଜଳବନ୍ଦୀ, କିନ୍ତୁ ପିଇବାକୁ ମିଳୁନି ପାଣି

ବର୍ଷାଦିନେ କେନ୍ଦ୍ରାପଡ଼ା ରାଜନଗର ବ୍ଳକ ରଙ୍ଗଣୀ ପଂଚାୟତର ଅଧିବାସୀ ମାନେ ଏକ ଦୁର୍ବିସହ ଜୀବନ ବଂଚୁଛନ୍ତି l କରାଣ ବର୍ଷା ପରେ ନିଜ ଗାଁରେ ନିଜେ ବନ୍ଦୀ ହୋଇ ରହିଛନ୍ତି ଗ୍ରାମବାସୀ l ରଙ୍ଗଣୀ ପଂଚାୟତର ଭେକଟା ଓ ପଟାପାରିଆ ଓ ନୂଆପଡା ଗାଁ ର ଲୋକମାନଙ୍କ ଅବସ୍ଥା ଆଖିରେ ନଦେଖିଲେ ବିଶ୍ୱାସ ହେବନି l ସ୍ୱାଧୀନତା ର ଦୀର୍ଘ ବର୍ଷ ପରେ ଆଜି ମଧ୍ୟ ନାହିଁ ଗାଁ କୁ ପକ୍କା ରାସ୍ତା ଟିଏ l ଜଙ୍ଗଲ କଡରେ ଥିବା ମାଟି ବନ୍ଧ ସାଜିଛି ଗମନାଗମନ ର ମାଧ୍ୟମ l ରାସ୍ତାରେ ଗାଡି ଘୋଡା ତ ଦୂରର କଥା ପାଦରେ ଚାଲି ଯିବା ମଧ୍ୟ କାଠିକର ପାଠ l ବର୍ଷା ଦିନ କଥା ନକହିବା ଭଲ l ବର୍ଷା ଦିନେ ସମ୍ପୂର୍ଣ ଗାଁ ବାହ୍ୟ ଜଗତରୁ ବିଛିନ୍ନ ହୋଇଯାଏ l

ଭେକଟା ଗାଁ। ଦୀର୍ଘ 3 ପିଢ଼ି ଧରି ଏଠାରେ 2 ହଜାର ରୁ ଊର୍ଧ୍ୱ ଲୋକ ବସବାସ କରୁଥିଲେ ମଧ୍ୟ ଭେକଟାବାସୀଙ୍କୁ ଜମି ପଟ୍ଟା ମିଳିପାରୁ ନାହିଁ। ଫଳରେ ଗ୍ରାମବାସୀ ବହୁ ସରକାରୀ ସୁବିଧା ପାଇବାରୁ ବଞ୍ଚିତ l ଏମିତିକି ଜମି ପଟ୍ଟା ନଥିବାରୁ ରାସନ ପାଇବାରୁ ବଞ୍ଚିତ ଅଞ୍ଚଳବାସୀ।

ଗାଁକୁ ରାସ୍ତା ନଥିବାରୁ ଯାତାୟତ ବାଧାପ୍ରାପ୍ତ ହୋଇଛି। ତେବେ ଏ ସମସ୍ୟା ଏବର ନୁହେଁ ପ୍ରତିବର୍ଷ ବର୍ଷା ଦିନେ ଏଭଳି ସମସ୍ୟା ଦେଖା ଦେଉଥିବା ବେଳେ ଏଯାଏଁ ଏହାର ସମାଧାନ ହୋଇ ପାରିନି। ଯାହାକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ଦେଖିବାକୁ ମିଳିଛି।