ଅନୁଗୋଳ:  ଶିଳ୍ପ ବହୁଳ ଅନୁଗୋଳ ଜିଲ୍ଲା ତାଳଚେର ସହରରେ ଧଳା ଜହରର ବ୍ୟବସାୟ ବଢିବାରେ ଲାଗିଛି । ଖଣି ଅଂଚଳର ରହୁଥିବା ଯୁବପିଢ଼ିକୁ ନିଶାଶକ୍ତ କରିବା ପାଇଁ ବାହାର ରାଜ୍ୟରୁ ବ୍ରlଉନ ସୁଗାର ଆଣି ଏଠି ବିକ୍ରି କରାଯାଉଛି । ଗତ ୬ ମାସ ଭିତରେ ତାଳଚେର ଅବକାରୀ ବିଭାଗ ବିଭିନ୍ନ ଅଂଚଳରେ ଚଢାଉ କରି ପାଖାପାଖି ୩ ଶହ ଗ୍ରାମ ବ୍ରlଉନ ସୁଗାର ଜବତ କରିବl ସହ ବ୍ୟବସାୟୀଙ୍କୁ ଗିରଫ କରିଛି ।

କୋଲକାତାରୁ ଭାୟା- ବାଲେଶ୍ବର, ଯାଜପୁର, ଢେଙ୍କାନାଳ, ଭୁବନ ଦେଇ ଅନୁଗୋଳ ଜିଲ୍ଲାକୁ ଆସୁଛି । ତାଳଚେରର ପାର୍କ, ପଡ଼ିଆ, ନଦୀ ପଠା, ଭଙ୍ଗାଘର ଆଦି ସ୍ଥାନ ଗୁଡ଼ିକରେ ଏହାର ଡିଲ୍ ହେଉଛି । ବିଶେଷ କରି, କଲେଜ ପଢୁଆ ପିଲା ଏ ନିଶା ପ୍ରତି ଅଧିକ ଆକୃଷ୍ଟ ହେବାର ଲାଗିଛନ୍ତି । ଅବକାରୀ ଓ ପୋଲିସ ବାରମ୍ବାର ଚଢାଉ କରିବା ସତ୍ତ୍ବେ, ବେପାର କମ୍ ହେଉନି । ବ୍ରାଉନ ସୁଗାର ବ୍ୟବସାୟୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦାବି ଜୋର ଧରିଛି । ଦିନକୁ ଦିନ ବ୍ରାଉନ ସୁଗାର କାରବାର ବଢ଼ି ବଢ଼ି ଚାଲିଥିବାବେଳେ ଦୃଢ଼ କାର୍ଯ୍ୟାନୁଷ୍ଠାନ ଦାବି ହେଉଛି।