ଲୋକସଭାରେ ଗ୍ରାମୀଣ ବିକାଶ ମନ୍ତ୍ରଣାଳୟ ପକ୍ଷରୁ ଦିଆଯାଇଥିବା ତଥ୍ୟ ପ୍ରମାଣିତ କରିଛି କି କେମିତି ହୋଇଛି । ତଥ୍ୟ କହୁଛି, ପ୍ରଧାନମନ୍ତ୍ରୀ ଆବାସ ଯୋଜନା ଅଧିନରେ ଓଡିଶାକୁ ବର୍ତ୍ତମାନ ସୁଦ୍ଧା ମିଳିଛି 28 ଲକ୍ଷ 49 ହଜାର 889 ପକ୍କା ଘର । ସେଥିମଧ୍ୟରୁ ରାଜ୍ୟ ସରକାର ଆବଣ୍ଟନ କରିଛନ୍ତି 28 ଲକ୍ଷ 11 ହଜାର 18 ପକ୍କା ଘର । ତେବେ ତାହା ମଧ୍ୟରୁ ସମ୍ପୂର୍ଣ୍ଣ ହୋଇ ପାରିଛି ମାତ୍ର 24 ଲକ୍ଷ 20 ହଜାର 261 ପକ୍କା ଘର । ବାକି 4 ଲକ୍ଷ 29 ହଜାର 628 ପକ୍କା ଘର ଦୀର୍ଘ ବର୍ଷ ହେବ ଅଧାଗଢା ଅବସ୍ଥାରେ ପଡିରିହିଛି । ନଜର ପକାନ୍ତୁ ଇଏ ହେଉଛି ତାହାର ବର୍ଷ ଓ୍ବାରୀ ତାଲିକା ।

ମସିହା ଆବଣ୍ଟନ ସମ୍ପୂର୍ଣ୍ଣ ଅସମ୍ପୂର୍ଣ୍ଣ
2016-17 3,95,974 3,80,814 15,160
2017-18 3,40,416 3,27,489 12,927
2018-19 2,55,855 2,45,105 10,753
2019-20 6,54,658 6,09,626 45,032
2020-21 1,87,237 1,75,213 12,024
2021-22 7,78,903 5,74,926 2,03,977
2022-23 94,655 65,384 29,271
2024-25 1,03208 41,613 61,595

ନିୟମ କହୁଛି କାର୍ଯ୍ୟାଦେଶର ବର୍ଷକ ମଧ୍ୟରେ ପକ୍କା ଘର କାର୍ଯ୍ୟ ସମ୍ପୂର୍ଣ୍ଣ ହେବା କଥା । କିନ୍ତୁ ବର୍ଷ ବର୍ଷ ଏତେ ସଂଖ୍ୟକ ଘର କେମିତି ଅଧାଗଢା ହୋଇ ପଡି ରହିଲା ତାକୁ ନେଇ ବିଭାଗୀୟ ମନ୍ତ୍ରୀ କହିଛନ୍ତି ଯିଏ ବି ଦାୟୀ ତା ଉପରେ ହେବ କାର୍ଯ୍ୟାନୁଷ୍ଠାନ । ଗୁରୁତ୍ବପୂର୍ଣ୍ଣ କଥା ହେଲା ତତ୍କାଳୀନ ବିଜେଡି ସରକାର ଶ୍ରୀଘ୍ର ପକ୍କା ଘର କାର୍ଯ୍ୟ ଶେଷ କରୁଥିବା ଲୋକଙ୍କୁ ପ୍ରୋତ୍ସାହନ ଦେଉଥିବା କହି ବାହା ବାହା ନେଉଥିଲେ । ପ୍ରଥମ କିସ୍ତି ପାଇବାର 4 ମାସ ମଧ୍ୟରେ ଘର ସମ୍ପୂର୍ଣ୍ଣ କଲେ 20 ହଜାର ଟଙ୍କା , 6 ମାସ ମଧ୍ୟରେ ସମ୍ପୂର୍ଣ୍ଣ କଲେ 10 ହଜାର ଦିଆଯିବ ବୋଲି କୁହାଯାଇଥିଲା । କିନ୍ତୁ ଏତେ ସବୁ ପରେ ବି ଏତେ ସଂଖ୍ୟକ ଘର କାହିଁକି ଅସମ୍ପୂର୍ଣ୍ଣ ରହିଲା ତାକୁ ନେଇ ଗ୍ରାଉଣ୍ଡରେ ସ୍ଥିତି ପରଖିବା ବେଳେ ହିତାଧିକାରୀ କଣ କହୁଛନ୍ତି ଶୁଣନ୍ତୁ ।

ବିଜେଡି ସରକାରରେ ବଣ୍ଟା ଯାଇଥିବା ପ୍ରାୟ ସାଢେ ଚାରି ଲକ୍ଷ ପକ୍କା ଘର ଅସମ୍ପୂର୍ଣ୍ଣ ରହିବା ଘଟଣାରୁ ବଡ ଦୁର୍ନିତିର ଗନ୍ଧ ବାରି ହେଉଛି । ତେବେ ଏଥିପାଇଁ ବର୍ତ୍ତମାନର ସରକାର କାହା ଉପରେ କି କାର୍ଯ୍ୟାନୁଷ୍ଠାନ ନ ନେଉଛନ୍ତି ତାହା ଉପରେ ନଜର ।

ଅଧିକ ପଢ଼ନ୍ତୁ ରାଜନୀତି ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more