ରାସ୍ତା ନାହିଁ କି ପୋଲ ନାହିଁ, ନାଳ ସାଜିଛି କାଳ

୪୦ ବର୍ଷରୁ ଅଧିକ ସମୟ ଧରି ଏହି ଗାଁର ମୁଖ୍ୟ ସମସ୍ୟା ହେଉଛି ରାସ୍ତା ଓ ପୋଲ । ବର୍ଷ ପରେ ବର୍ଷ ବିତୁଛି ହେଲେ ହୋଇ ପାରୁନି ପୋଲ ସମସ୍ୟାର ସମାଧାନ। ଭରାନାଳରେ ପସି ନଦୀ ପାର କରୁଛନ୍ତି ଅଞ୍ଚଳବାସୀ। ବର୍ଷ ତମାମ ପାଣି ଭିତରେ ହେଉଛି ଆତଯାତ । କଳାହାଣ୍ଡି ଲାଞ୍ଜିଗଡ ବ୍ଲକ କମର୍ଦ୍ଧା ଗ୍ରାମପଞ୍ଚାୟତର ଆଦିବାସୀ ଗାଁ " ରାଙ୍ଗପାରୁ " । ଗରିବ ଲୋକଙ୍କ ପାଇଁ ବିଭିନ୍ନ ଯୋଜନା ପ୍ରଣୟନ କରି ଆସୁଥିବା ସରକାରଙ୍କୁ ସତେ ଯେପରିକି ଉପହାସ କରୁଛି l ଗାଁ ଟି ସମସ୍ୟା ଚାରିଛକରେ ବନ୍ଧା ପଡିଛି କହିଲେ ଅତ୍ୟୁକ୍ତି ହେବନାହିଁ l ଗ୍ରାମପଞ୍ଚାୟତ ମୁଖ୍ୟାଳୟ ଠାରୁ ମାତ୍ର ୫ କିଲୋମିଟର ହୋଇଥିବାରୁ ଶିକ୍ଷା, ସ୍ୱାସ୍ଥ୍ୟ ଗମନାଗମନ ସବୁ ଦୃଷ୍ଟିରୁ ଅବହେଳିତ l

ଗାଁ ଠାରୁ ୫ କିମି ଦୂରରେ ରହିଛି କମର୍ଦ୍ଦା ପ୍ରାଥମିକ ବିଦ୍ୟାଳୟ । ମାତ୍ର ପୋଲ ନଥିବାରୁ ଗାଁକୁ ଯାଇ ପାରୁ ନାହାନ୍ତି ପିଲା। ଗାଁ ନିକଟରେ ଥିବା ନାଳ ପିଲାଙ୍କ ପାଠପଢାରେ ବାଧକ ସାଝିଛି l ଅଙ୍ଗନବାଡି କେନ୍ଦ୍ର ମଧ୍ୟ ନାଳ ସେପରି ଥିବା ବେଳେ ଅଙ୍ଗନବାଡି କର୍ମୀ ଗାଁକୁ ଆସି ପିଲାଙ୍କ ଖାଦ୍ୟ ଦେଉଥିବା କହିଛନ୍ତି ଗ୍ରାମବାସୀ l କିଛିଦିନ ତଳେ ରାଙ୍ଗପାରୁର ସମସ୍ୟା ନେଇ ଆମେ ଖବର ପ୍ରସାରଣ କରିଥିଲୁ ଏହ ପରେ ନଳକୂପ ସ୍ଥାପନ ହୋଇଛି କିନ୍ତୁ ରାସ୍ତା ଓ ପୋଲ ସମସ୍ୟା ଯେମିତି କୁ ସେମିତି । ଏବେ ଏମିତି ସମୟ ଲଗାଣ ବର୍ଷା ଯୋଗୁଁ ଗ୍ରାମବାସୀ ଏକ ପ୍ରକାର ଜଳବନ୍ଦୀ ଜୀବନ ଯାପନ କରୁଛନ୍ତି l

ଅଧିକ ପଢ଼ନ୍ତୁ ଓଡ଼ିଶା ଖବର: