ଗଜପତି ଜିଲ୍ଲା ଆର ଉଦୟଗିରି ବ୍ଳକ ଦୁର୍ଗମ ଅଞ୍ଚଳ ଶିଆଳିଲଟି ପଞ୍ଚାୟତ ଜାଡା, ଯାଡା ପାଣି ,କିଞ୍ଚର, ତଇଲ ଭଳି ଅନେକ ଗ୍ରାମ ଅଛି ଯୋଉଠି ଆଜି ପର୍ଯ୍ୟନ୍ତ ପହଞ୍ଚି ପାରିନି ମୌଳିକ ସୁବିଧା । ପହଞ୍ଚି ପାରିନି ସରକାରୀ ଯୋଜନା । ବିଜେଡି ସରକାର ଙ୍କ ବିକାଶର ଡାଇରୀ ରେ ହଜିଯାଇଛି ଏହି ଚାରିଖଣ୍ଡ ଗାଆଁ । ନା ହୋଇ ପାରିଛି ଗମନା ଗମନ ଲାଗି ରାସ୍ତାର ବିକାଶ ? ନା ମୁଣ୍ଡ ଗୁଞ୍ଜିବା ଲାଗି ହୋଇ ପାରିଛି ଆବାସ ଘର । ଏପରିକି ପିଇବା ଲାଗି ମଧ୍ୟ ପାଣି ଟୋପାଏ ଯୋଗାଇ ପାରିନାହାନ୍ତି ବିଜେଡି ସରକାର ।

ପ୍ରାକ ଶିକ୍ଷା ଲାଗି ଗାଁରେ ଏକ ଅଙ୍ଗନବାଡ଼ି କେନ୍ଦ୍ର ରହିଛି। ମାତ୍ର ତାହା ଦୀର୍ଘ ମାସ ହେଲା ବନ୍ଦ ପଡ଼ିଛି । ରାସ୍ତା ନଥିବାରୁ ଆସୁନାହାନ୍ତି ଅଙ୍ଗନବାଡ଼ି କର୍ମୀ । ଥରେ ନଜର ପକାନ୍ତୁ ଏଇ ରାସ୍ତାରେ କେମିତି ଯିବା ଆସିବା କରନ୍ତି ଅଞ୍ଚଳବାସୀ। ରାସ୍ତାତ ନୁହେଁ ...ଯମ ଯନ୍ତ୍ରଣା। ଏହି ରାସ୍ତାରେ ପ୍ରତିଦିନ ଯାତାୟକରୁଛନ୍ତି ଗ୍ରାମବାସୀ । ହାଟ ବଜାର କଥା କୁହନ୍ତୁ ଅବା ପଞ୍ଚାୟତ ଯିବା କଥା ଏହାରି ଉପରେ ହିଁ ଭରସା । ନିଜେ ଚାଲି ଯିବା କଷ୍ଟ ଆଉ ଗାଡ଼ି ମଟର କଥା ଭୁଲି ଯାଆନ୍ତୁ । ପାଣି ଲାଗି ମଧ୍ୟ ଗାଁରେ ବସୁଧା ବ୍ୟବସ୍ଥା ନାହିଁ। ଫଳରେ ଏହି ବିପଦ ସଙ୍କୁଳ ଅବସ୍ଥାରେ ଥିବା ଭଙ୍ଗା କୂଅ ଉପରେ ବର୍ଷ ତମାମ ନିର୍ଭର କରନ୍ତି ଅଞ୍ଚଳବାସୀ ।

ଆବାସ ଘର କଥା ଏହି ଘର ଗୁଡ଼ିକୁ ଦୃଷ୍ଟି ପକାଇଲେ ଆପଣ ନିଶ୍ଚୟ ଜାଇପାରୁଥିବେ । ବିଦ୍ୟୁତ୍ ସେବା ଲାଗି ସରକାର ତରଫରୁ ଦିଆଯାଇଛି ଏହି ସୋଲାର ଲାଇଟ୍ କିନ୍ତୁ କିଛି ଅସାଧୁ ସଂସ୍ଥା ଦ୍ୱାରା ତାହାବି ଅଧା ପହନ୍ତରିଆ। ପ୍ୟାନେଲ ଦେଇ ଦେଇନାହାନ୍ତି ବ୍ୟାଟେରୀ । ପୂର୍ବ ପୁରୁଷ ରୁ ଏହି ସ୍ଥାନରେ ରହି ଆସୁଥିବାରୁ ନିଜ ଭାଗ୍ୟକୁ ଆଦରି ବସିଛନ୍ତି ଯୁବକ ଯୁବତୀ । ଆଧୁନିକ ଯୁଗରେ ଆଧୁନିକ ଚାଲିଚଳନ ର ପ୍ରଭାବ ଦେଖିବାକୁ ମିଲିପାରିବନି ଏହି ଗାଆଁ ଗୁଡିକରେ ।

ତତ୍କାଳୀନ ସରକାରଙ୍କ ଠାରେ ବାରମ୍ବାର ଅଭିଯୋଗ ପରେ ମଧ୍ୟ ଦେଇ ପାରିନାହାଁନ୍ତି ମୌଳିକ ସୁବିଧା। । ପ୍ରଶାସନ ଏଠି ପ୍ରତିକ୍ରିୟା ଦେବାକୁ ନାରାଜ । କାରଣ ଆଜି ପର୍ଯ୍ୟନ୍ତ ପ୍ରଶାସନର ପାଦ ପଡ଼ିନାହିଁ ଏହି ଗାଆଁ ଗୁଡିକରେ । ଏବେ ବଦଳିଛି ସରକାର ବଦଳିବ ଗାଁର ଭୁଗୋଳ ,ଏଭଳି ଆଶାନେଇ ମୋହନ ସରକାର ଉପରେ ରଖିଛନ୍ତି ଭରଶା ଓ ବିଶ୍ବାସ ।