ଗତ ବିଜେଡି ସରକାରରେ 5T ସ୍କୁଲରେ ହୋଇଛି ବଡ଼ ଦୁର୍ନୀତି । ବିଧାନସଭାରେ ଅଭିଯୋଗ ଆଣି ଶାସକ ଦଳ ବିଧାୟକଙ୍କ ଉଦବେଗ । ବିନା ଟେଣ୍ଡରରେ 5T କାମ ହୋଇଛି । 5T ବିଲ୍ଡିଂରେ ବଡ଼ ଦୁର୍ନୀତି ହୋଇଛି । ଏହା ଉପରେ ଗଣଶିକ୍ଷା ମନ୍ତ୍ରୀଙ୍କ ଉତ୍ତର ରଖି କହିଛନ୍ତି, ସରକାର ଘଟଣାକୁ ଗୁରୁତର ସହ ନେଇଛନ୍ତି । 5T ସ୍କୁଲରେ ଦୁର୍ନୀତି ନେଇ ଅଭିଯୋଗ ଆସିଛି ତଦନ୍ତ ହୋଇଛି । ଆଗକୁ ଅଭିଯୋଗ ଆସିଲେ ତଦନ୍ତ ହେବ ।

ଅନ୍ୟପଟେ ବିଧାୟକ ଭାସ୍କର ମଢେଇଙ୍କ ପ୍ରଶ୍ନ 5T ସ୍କୁଲରେ ଦୁର୍ନୀତିର ତଦନ୍ତ ହୋଇଛି କି ଏବଂ ଦୁର୍ନୀତିର ତଦନ୍ତ ଦାବି କଲେ ବିଧାୟକ । ଉତ୍ତର ରଖିଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ । କହିଛନ୍ତି ଯେଉଁଠି 5T ସ୍କୁଲରେ ଦୁର୍ନୀତିର ଅଭିଯୋଗ ଆସିଛି, ତେବେ ସେଠାରେ ତଦନ୍ତ ହୋଇଛି । ଆଗକୁ ବି ଯଦି ଦୁର୍ନୀତି ହୋଇଥିବା ନଜରକୁ ଆସିବ। ବିଭାଗ ତାର ଅନୁଧ୍ୟାନ କରିବ ଏବଂ ଦୃଢ କାର୍ୟ୍ୟାନୁଷ୍ଠାନ ଗ୍ରହଣ କରିବ ।

ଏହି ପ୍ରସଙ୍ଗରେ ପ୍ରଶ୍ନ କରି ଉଦବେଗ ପ୍ରକାଶ କଲେ ବାରବାଟୀ ବିଧାୟିକା । 5T ସ୍କୁଲ ରୂପାନ୍ତରିତ ପାଇଁ କେତେ ଖର୍ଚ୍ଚ ହୋଇଛି ସୋଫିଆଙ୍କ ପ୍ରଶ୍ନରେ ଉତ୍ତର ରଖିଲେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ । ସେ କହିଛନ୍ତି, 5Tରେ ରୂପାନ୍ତରିକରଣ ପାଇଁ ଖର୍ଚ୍ଚ ହୋଇଛି ୩ ହଜାର କୋଟି । କମ୍ପୁଟର ଶିକ୍ଷା ଦିଆଯାଉଛି । ୨୦-୨୧ ବର୍ଷରେ ୨୧ ଲକ୍ଷ ୯ ହଜାର ୭୯୬ ପିଲା ଥିବା ବେଳେ ୨୩-୨୪ରେ ୨୧ ଲକ୍ଷ ୧୦ ହଜାର ୪୯୩ ପିଲା ଥିଲେ ।

ଯେଉଁ ଯେଉଁ ସ୍ଥାନରେ 5Tରେ ଦୁର୍ନୀତି ହୋଇଛି, ସେ ସବୁକୁ ଉଚ୍ଚ ସ୍ତରୀୟ ତଦନ୍ତ ନିର୍ଦେଶ ଦେବାକୁ ଦାବି କରିଛନ୍ତି ବିଜେପି ବିଧାୟକ ସନାତନ ବିଜୁଳି । ଏହାକୁ ନେଇ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ କହିଛନ୍ତି, ଗୁରୁତର ସହ ବିଭାଗ ବିଚାର କରୁଛି, ଯଦି ଆବଶ୍ୟକ ପଡେ, ନିର୍ଦ୍ଧିଷ୍ଟ ଅଭିଯୋଗ ଆସିଲେ ବିଭାଗ ବିଚାର କରିବ ବୋଲି ଉତ୍ତର ଦେଇଛନ୍ତି ବିଭାଗୀୟ ମନ୍ତ୍ରୀ ।

5T ସ୍କୁଲରେ ଦୁର୍ନୀତି ହୋଇଛି ତଦନ୍ତ କରନ୍ତୁ ସରକାର ବୋଲି ଦାବି କଲେ ଶାସକ ଦଳ ବିଧାୟକ ଭାସ୍କର ମଢେଇ ନିଆଁରେ ଘିଅ ଢ଼ାଳିଲେ ବିଜେପି ବିଧାୟକ ସନାତନ ବିଜୁଳି ବିନା ଟେଣ୍ଡରରେ 5T କାମ ହୋଇଛି । 5T ରେ ଫାଟ ଦେଖାଗଲାଣି । 5T ବିଲଡିଂ ରେ ବଡ଼ ଦୁର୍ନୀତି ହୋଇଛି ଏହାର ଉଚ୍ଚ ସ୍ତରୀୟ ତଦନ୍ତ ନିର୍ଦ୍ଦେଶ ଦିଅନ୍ତୁ ସରକାର । ଏହା ଉପରେ ଗଣ ଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ ଉତ୍ତର ଥିଲା, ପ୍ରସଙ୍ଗକୁ ଗୁରୁତର ସହ ନେବୁ' । ସ୍ପେସିଫିକ ଅଭିଯୋଗ ଆସିଲେ ତଦନ୍ତ ପାଇଁ ବିଚାର କରାଯିବ ।

Argus News | argus news | -Argusnews Home: Odisha Latest News, Breaking News, Trending News, Live TV and more