ଅର୍ଗସ ବ୍ୟୁରୋ : ସରକାରୀ ଟଙ୍କାରେ ମଉଜ ମଜଲିସ୍‌ କରୁଥିଲେ ବବି । ସରକାର ଗଲା, ନିଜେ ହାରିଲେ । ଏବେ ଆତ୍ମସାତ୍‌ କରିଥିବା ଟଙ୍କା ଲୁଚାଇବାକୁ ସବୁକିଛି ଭାଙ୍ଗି ମାଟିରେ  ମିଶାଇ ଦେଉଛନ୍ତି ବବି । ଯାହାର ଏକ୍ସକ୍ୟୁସିଭ ଚିତ୍ର ଅର୍ଗସ ହାତରେ ଲାଗିଛି । ଆପଣ ବି ଦେଖନ୍ତୁ, ବବିଙ୍କ ଆଲିଶାନ ଘରକୁ । ଘର ବାହାରୁ ଦେଖିଲେ ସାଧାରଣ ଲାଗୁଥିଲେ ବି ଭିତର ପୁରା ଅସାଧାରଣ । କାରଣ କ୍ଵାର୍ଟର୍ସ ଭିତରେ ତିଆରି ହୋଇଥିଲା ଆଲିଶାନ ବଙ୍ଗଳା, ସିଏ ପୁଣି ଲଣ୍ଡନ ଷ୍ଟାଇଲରେ । 

ମିଳିଥିବା ସୂଚନା ଅନୁସାରେ, ବିଜେଡି ନେତା ବବି ଦାସଙ୍କ ସରକାରୀ ଘରେ ଭଙ୍ଗାରୁଜା ଚାଲିଛି । ବବିଙ୍କ ସରକାରୀ ଘରେ ଭଙ୍ଗା ଚାଲିଛି ବୋଲି ଖବର ମିଳିଛି । ଘରର ଅଣ୍ଡର ଗ୍ରାଉଣ୍ଡରେ କିଛି ନିର୍ମାଣ ହୋଇଥିଲା, ଯାହାକୁ ବର୍ତ୍ତମାନ ଭଙ୍ଗା ଯାଇଛି । ଅଣ୍ତର୍ ଗ୍ରାଉଣ୍ତରେ ପାଖାପାଖି ୨ରୁ ୩ କୋଟି ଟଙ୍କା ଖର୍ଚ୍ଚ ହୋଇଥିବା ଜଣାପଡ଼ୁଛି । ତେବେ ପ୍ରଥମ ମହଲାରେ ବୈଠକ ହେଉଥିବା ବେଳେ ଦ୍ୱିତୀୟ ମହଲାରେ ବବିଙ୍କ ରୁମ୍ ଥିଲା । ଏହା ସହ ତୃତୀୟ ମହଲାରେ ଦଳୀୟ ସାମଗ୍ରୀ ରହିଥିବା କୁହାଯାଉଛି । ତେବେ କେଉଁ ଉଦ୍ଦେଶ୍ୟରେ ସରକାରୀ ଘରେ ଏତେ ବଡ଼ ନିର୍ମାଣ ହୋଇଥିଲା? ଏହି ନିର୍ମାଣ ପାଇଁ କିଏ ଦେଇଥିଲା ଅନୁମତି ? ପ୍ରମାଣ ନଷ୍ଟ ପାଇଁ ବର୍ତ୍ତମାନ ଚାଲିଛି କି ଭଙ୍ଗାରୁଜା? ସରକାରୀ ଘରକୁ ଏମିତି ଆଲିଶାନ ଷ୍ଟାଇଲରେ କାହିଁକି ନିର୍ମାଣ କରାଯାଇଥିଲା ? କିଛି ଏମିତି ପ୍ରଶ୍ନ ଏବେ ସାଧାରଣରେ ପ୍ରଶ୍ନ ଉଠୁଛି ।

ବବିଙ୍କ ଆଲିଶାନ ଘର ଭାଙ୍ଗିବା ପାଇଁ ଜଣେ କି ୫ ଜଣ ନୁହେଁ ବରଂ ୨୦ରୁ ଉର୍ଦ୍ଧ୍ଵ ଶ୍ରମିକ ଲାଗିଥିବା ଜଣାପଡ଼ିଛି । ଯେହେତୁ ବବି ଦାସ ବର୍ତ୍ତମାନ କୌଣସି ପଦପଦବୀରେ ନାହାଁନ୍ତି, ତାଙ୍କୁ ସେ ଘର ମଧ୍ୟ ଛାଡ଼ିବାକୁ ପଡ଼ିବ । ଏଣୁ ସେ କ୍ୱାର୍ଟରର ପୂର୍ବ ଅବସ୍ଥା ଫେରାଇ ଆଣିବା ପାଇଁ କ୍ୱାର୍ଟର ଭାଙ୍ଗୁଛି ବୋଲି ବବି କହିଛନ୍ତି ।

ତେବେ ବବି ଦାସଙ୍କ ସରକାରୀ ବାସଭବନର ଇଏ ହେଉଛି ଏକ୍ସକ୍ଲୁସିଭ୍ ଚିତ୍ର । ସରକାରୀ ବାସଭବନ ଭିତରେ ଆଲିସାନ୍ ବଙ୍ଗଲା ତିଆରି ହୋଇଛି । ହେଲେ ବାସଭବନରେ କାହିଁକି ଥିଲା ଅଣ୍ଡରଗ୍ରାଉଣ୍ଡ ଘର ? କୋଟି କୋଟି ଟଙ୍କାରେ ତିଆରି ହୋଇଥିଲା ବବିଙ୍କ ଏହି ବଙ୍ଗଳା । କିନ୍ତୁ ଚର୍ଚ୍ଚା ହେବା ପରେ ଏବେ ଲୋକ ଓ ମେସିନ୍ ଲଗାଇ ଚାଲିଛି ଭଙ୍ଗାରୁଜା କାମ । ଗୁରୁତ୍ଵପୂର୍ଣ୍ଣ କଥା ହେଲା, ନବୀନ ମୁଖ୍ୟମନ୍ତ୍ରୀ ଥିବା ବେଳେ ଜିଏ ଡିପାର୍ଟମେଣ୍ଟ ଥିଲା ନବୀନଙ୍କ ପାଖରେ । ତେଣୁ କୁହାଯାଉଛି ମାଫିଆଙ୍କ ଟଙ୍କାରେ ବବି କରିଥିଲେ ଏ ସବୁ ନିର୍ମାଣ । ସେଇଥି ଲାଗି ତ ବଙ୍ଗଳା ଦେଖିଲେ ଆଖି ଖୋସି ହୋଇଯାଉଛି । ହେଲେ ଆଜି ସକାଳୁ ଯେଉଁ ପରି ଭାବରେ ବବିଙ୍କ ଘର ଭଙ୍ଗାଯାଉଛି ତାହାକୁ ନେଇ ଚର୍ଚ୍ଚା ଜୋର ।