ଏଇମାନେ ବିଜେଡିର ଗୁପ୍ତ ଶତ୍ରୁ !
ଅର୍ଗସ ବ୍ୟୁରୋ: ବିଜେଡିରେ ଏବେ ମାଳମାଳ ଗୁପ୍ତ ଶତ୍ରୁ । ସ୍ଥିତି ଏମିତି ହେଲାଣି ଯେ ଦଳରେ କଣ ଚାଲୁଛି ଦଳରୁ ବହିଷ୍କାର ହୋଇଥିବା ନେତାଙ୍କ ପାଖରେ ବି ବରାବର ଖବର ରହୁଛି । ଏମିତି ପାର୍ଟିର ମୁଖିଆ ତଥା ଦଳର ସଭାପତି ନବୀନ ପଟ୍ଟନାୟକ କାହା ସହ କି କି କଥାବାର୍ତ୍ତା ହେଉଛନ୍ତି ତାହା ଏବେ ହାଟରେ ପଡି ଦାଣ୍ଡରେ ଗଡିଲାଣି । ହେଲେ ମୁହଁ ଟାଣ କରି ନେତାଏ କହୁଛନ୍ତି ଦଳ କଥା ବାହାରକୁ ଲିକ୍ ହେବାର ଚାନ୍ସ ହିଁ ନାହିଁ । ଦଳରେ ନାହାନ୍ତି ଦଳର ସବୁ ଆଭ୍ୟନ୍ତରୀଣ କଥା ଜାଣୁଛନ୍ତି ।
ଦଳ ବିରୋଧୀ କାମ ସହ ବିଭିନ୍ନ ଦୁର୍ନୀତିରେ ଛନ୍ଦି ହୋଇଥିବାରୁ ଗୋପାଳପୁରର ବିଧାୟକଙ୍କ ଉପରେ ଆକ୍ସନ ନେଇଥିଲେ ମୁଖିଆ । ଦଳ ଓ ମୁଖ୍ୟମନ୍ତ୍ରୀଙ୍କ ପ୍ରତିନିଧିରୁ ତାଙ୍କୁ ବହିଷ୍କାର କରାଯାଇଥିଲା । ସ୍ଥିତି ଏମିତି ହୋଇଥିଲା ଯେ ପ୍ରଦୀପ ଯାଇଥିଲେ ଜେଲ୍ । ଭାଙ୍ଗିଥିଲା ଝିଅ ବାହାଘର । ଆଉ ଜେଲରୁ ଫେରିବା ପରେ ବିଜେଡି କେମିତି ଚାଲୁଛି ଗୋଟିଏ ପରେ ଗୋଟିଏ ସତ ଓଗାଳିଥିଲେ ପ୍ରଦୀପ । ହେଲେ ନିର୍ବାଚନ ପାଖେଇ ଆସୁଥିବାରୁ ସେ ଅନ୍ୟ ଦଳରେ ମିଶିବା ନେଇ ସୋସିଆଲ ମିଡିଆରେ ଚର୍ଚ୍ଚା ହେବା ପରେ ବିଜେଡି ନେତାଙ୍କ ଟେନସନ ବଢିଲା । ଆଉ ତାଙ୍କୁ କେହି ନନେବା ଲାଗି ପ୍ରେସମିଟ୍ କଲା ଦଳ । ହେଲେ ଏବେ ପ୍ରଦୀପ ଯେଉଁ ବିସ୍ଫୋରକ ବୟାନ ଦେଇଛନ୍ତି ତାହାକୁ ନେଇ ଭାରି ଚର୍ଚ୍ଚା । କାରଣ ପ୍ରଦୀପ କହିଛନ୍ତି, ନବୀନ ବାବୁ ତାଙ୍କ ସହ କଥାବାର୍ତ୍ତା ହେବାକୁ ଚାହୁଁଛନ୍ତି ।
୩ ବର୍ଷ ହେଲାଣି ଦଳରୁ ବାହାରେ ଅଛନ୍ତି ପ୍ରଦୀପ । ହେଲେ ଦଳରେ ଏବେ କଣ ଚାଲୁଛି ତାହା ତାଙ୍କୁ ଭଲରେ ଜଣା । କିନ୍ତୁ ପ୍ରଶ୍ନ ସେତେବେଳେ ଉଠିଲା ଯେତେବେଳେ ବିଜେଡିର ଅନ୍ଦର ମହଲର କଥା ଜାଣିପାରିଲେ ପ୍ରଦୀପ । ଖାଲି ଜାଣିଲେ ନୁହେଁ ବରଂ ତାଙ୍କୁ କେଉଁ ଦୁଇ ତିନିଜଣ ନେତା ଲାଗିପଡି ବାହାର କରିଦେଇଛନ୍ତି ସେକଥା ବି କହିଲେ । ତେବେ ଆଗାମୀ ଦିନରେ ଦଳ ପ୍ରଦୀପଙ୍କ ସହ ଯୋଗାଯୋଗ କରୁଛି କି ନାହିଁ ତାହା ସମୟ କହିବ ।
📱 Get Argus News App
✨