ଧରାପଡିଲା ଫେରାର ହେଉଥିବା ଚୋର । ଖସି ଯାଉଥିବା ବେଳେ ଧରା ପକାଇଦେଲା ଭାଗ୍ୟ । ଚୋରି କରି ଫେରାର ହେଉଥିବାବେଳେ ବାଲେଶ୍ୱର ବାହାନଗା ଗୋପାଳପୁର ଜୁଣିଆ ବଜାର ନିକଟରେ ଏକ କାର ଦୁର୍ଘଟଣାଗ୍ରସ୍ତ । ବିଳମ୍ବିତ ରାତିରେ ଘଟିଛି ଦୁର୍ଘଟଣା । ଗାଡ଼ି ଚାଳକ ଫେରାର ହୋଇଥିବା ବେଳେ ଅନ୍ୟ ୨ ଜଣ ଗିରଫ । ତେବେ ସୂଚନା ଅନୁଯାଇ ଏହି କାରଟି ସନ୍ଦେହଜନକ ଭାବେ ଯାଉଥିବାବେଳେ ଏହାକୁ କେତେକ ଯୁବକ ପିଛା କରିଥିଲେ ।

ଫଳରେ ଗାଡ଼ିଟି ଦ୍ରୁତ ଗତିରେ ଯାଇ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା । ତେବେ ଗାଡ଼ିରୁ ନଗଦ ୨ ଲକ୍ଷ ୪୦ ହଜାର ଟଙ୍କା ସହ ୪୬ ଗ୍ରାମ ସୁନା, ଏବଂ ୨୦୯ ଗ୍ରାମ ରୁପା ଅଳଙ୍କାର ସହ ୧୦ ଲକ୍ଷ ଟଙ୍କର ଜିନିଷପତ୍ର ଜବତ କରିଛି ଗୋପାଳପୁର ଥାନା ପୋଲିସ l ଗୋପାଳପୁର ଥାନା ପୋଲିସ ଘଟଣା ଅଧିକ ତଦନ୍ତ ଆରମ୍ଭ କରିଛନ୍ତି ।