ଅର୍ଗସ ବ୍ୟୁରୋ: ଶ୍ରୀମନ୍ଦିର ଆଜି ଆଲୋକର ପର୍ବ ଦୀପାବଳି ଅମାବାସ୍ୟାରେ ପିତୃପୁରୁଷଙ୍କୁ ଶ୍ରାଦ୍ଧ ଦେଇଛନ୍ତି ହଜାର ହଜାର ଶ୍ରଦ୍ଧାଳୁ । ପିତୃ ପୁରୁଷଙ୍କୁ ପିଣ୍ଡ ଦାନ କରିବା ସହ ଶ୍ରୀମନ୍ଦିର ସିଂହଦ୍ବାରରେ ଆଲୋକବର୍ତ୍ତିକା ଦେଖାଇ ପିତୃପୁରୁଷଙ୍କୁ ଶ୍ରାଦ୍ଧ ଦେଇଛନ୍ତି । ବଡ଼ବଡୁଆ ଧ୍ବନୀରେ ପ୍ରକମ୍ପିତ ହେଉଥିଲା ସିଂହଦ୍ବାର । ଶ୍ରୀକ୍ଷେତ୍ରରେ ଶ୍ରୀମନ୍ଦିର ରୋଷଶାଳାର ବାହ୍ୟ ସମ୍ମୁଖ ଭାଗରେ ପ୍ରଶାସନ ପକ୍ଷରୁ ପ୍ରସ୍ତୁତ ହୋଇଥିବା ଚାରୋଟି ସ୍ଥାନରେ କାଉଁରୀଆ କାଠି ଜାଳି ଶ୍ରାଦ୍ଧ ଅର୍ପଣ କରିଛନ୍ତି ଭକ୍ତ । ପରମ୍ପରା ଅନୁସାରେ ମହାଳୟା ପରେ ପିତୃପୁରୁଷଙ୍କୁ ପୟାଶ୍ରାଦ୍ଧ ଦିଆଯାଏ । ବଡଦାଣ୍ଡରେ ପୟାଶ୍ରାଦ୍ଧ ଦେଲେ ପିତୃପୁରୁଷ ପ୍ରାପ୍ତ ହୋଇଥାନ୍ତି । ସେପଟେ ଆଜି ତ୍ରିଶକ୍ତି ଉପାସନାର ଦିନ । ମହାକାଳୀ , ମହାଲକ୍ଷ୍ମୀ ଓ ମହାସରସ୍ବତୀଙ୍କ ଆବିର୍ଭାବର ଦିନରେ ଆଜି ବିଭିନ୍ନ ସ୍ଥାନରେ ମହାକାଳୀଙ୍କ ମୃଣ୍ମୟୀ ମୂର୍ତ୍ତିମାନ ପୂଜା କରାଯାଇଛି । ଶ୍ରୀମନ୍ଦିରରେ ସାଗର ନାରାୟଣ ବିଜେ ନୀତି ମଧ୍ୟ ଅନୁଷ୍ଠିତ ହୋଇଛି । ତିଥିରେ ଥିବା ବ୍ୟତିକ୍ରମକୁ ନେଇ ଦ୍ବନ୍ଦ୍ବ ଯୋଗୁଁ ଚଳିତ ବର୍ଷ ଗତକାଲି ଓ ଆଜି ଦୁଇଦିନ ପାଇଁ ପରମ୍ପରାକୁ ପାଳିଛନ୍ତି ଶ୍ରଦ୍ଧାଳୁ ।