ଅର୍ଗସ ବ୍ୟୁରୋ: ଦିଲ୍ଲୀରେ ପୁଣି ବୋମା ଆତଙ୍କ । 40 ସ୍କୁଲକୁ ବୋମା ଧମକ ।  ପ୍ରଥମେ ଆରକେ ପୁରମ ଓ ପଶ୍ଚିମ ବିହାର ଅଂଚଳରେ ଥିବା ଦୁଇଟି ସ୍କୁଲକୁ ବୋମା ଧମକ ଆସିଥିଲା । ତାପରେ ଗୋଟିଏ ପରେ ଗୋଟିଏ ସ୍କୁଲକୁ ବୋମା ଧମକ ଆସୁଛି । ଘଟଣାସ୍ଥଳରେ ପୋଲିସ ଟିମ୍ ଓ ବୋମା ନିଷ୍କ୍ରିୟକାରୀ ଟିମ୍ ପହଞ୍ଚି ସର୍ଚ୍ଚ କରୁଛନ୍ତି । ଇମେଲରେ ୩୦ ହଜାର ଡଲାର ନଦେଲେ ସ୍କୁଲ ଉଡାଇଦେବାକୁ ଧମକ ଦିଆଯିବା ପରେ ଛାତ୍ରଛାତ୍ରୀମାନଙ୍କୁ ଘରକୁ ପଠାଇଦିଆଯାଇଛି । ଗତ ସପ୍ତାହରେ ମଧ୍ୟ ଦିଲ୍ଲୀର ଏକ ସ୍କୁଲକୁ ବୋମା ଧମକ ମିଳିଥିଲା କିନ୍ତୁ ତଦନ୍ତ ପରେ ଏହା ଗୁଜବ ଥିବା ଜଣାପଡିଥିଲା ।