ରାତି ପାହିଲେ କାଳିଆ ସାଅନ୍ତଙ୍କ ବିଶ୍ୱପ୍ରସିଦ୍ଧ ରଥଯାତ୍ରା... ରଥଖଳାକୁ ଆସିଲା ଆଜ୍ଞାମାଳ, ଏବେ ତିନି ରଥ ନେବେ ଦକ୍ଷିଣ ମୋଡ । ଆଜି ସିଂହଦ୍ବାର ସମ୍ମୁଖକୁ ଆସିବେ ତିନି ରଥ । ଚତୁର୍ଦ୍ଧା ମୂର୍ତ୍ତିଙ୍କ ଅପେକ୍ଷା ବଡ଼ ଦାଣ୍ଡ । ଆଜି ରଥଖଳାରୁ ସିଂହଦ୍ବାର ଚକଡ଼ାକୁ ତିନି ରଥଙ୍କୁ ଟାଣି ଅଣାଯିବ । ଶ୍ରୀଜିଉଙ୍କ ଆଜ୍ଞା ମାଳ ବିଜେ ପରେ ସିଂହଦ୍ବାର ନିକଟକୁ ଆସିବେ ରଥ ।

ରଥଖଳାରୁ ତିନି ରଥଙ୍କୁ ଶ୍ରୀମନ୍ଦିର ସାମ୍ନାକୁ ଅଣାଯିବା ବେଳେ ପ୍ରଥମେ ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥ ଟଣାଯାଇଥାଏ । ଏହାପରେ ଦେବୀ ସୁଭଦ୍ରାଙ୍କ ରଥ ଏବଂ ଶେଷରେ ଶ୍ରୀବଳଭଦ୍ରଙ୍କ ରଥ ଟଣାଯାଏ । ତେବେ ରଥଯାତ୍ରା ଦିନ ପ୍ରଥମେ ଭଳଭଦ୍ରଙ୍କ ତାଳଧ୍ବଜ ପରେ ଦେବୀ ସୁଭଦ୍ରାଙ୍କ ଦେବଦଳନ ଓ ଶେଷରେ ନନ୍ଦିଘୋଷ ଟଣାଯାଇଥାଏ ।

ଏଥିସହ ପଢ଼ନ୍ତୁ: ରଥଯାତ୍ରାରେ ପୁରୀ ଗଲେ କେଉଁଠି ରଖିବେ ଗାଡ଼ି ? ଜାଣନ୍ତୁ ସମ୍ପୂର୍ଣ୍ଣ ତଥ୍ୟ

ରଥଯାତ୍ରା ପାଇଁ ରଥ ପ୍ରସ୍ତୁତ, ପଥ ବି ପ୍ରସ୍ତୁତ... ଆସନ୍ତାକାଲି ପବିତ୍ର ଶ୍ରୀଗୁଣ୍ଡିଚା ଯାତ୍ରା । ଆଜି ଉଭା ଯାତ୍ରା । ଏଥିପାଇଁ ଛତିଶା ନିଯୋଗ, ନୀତି ସବ୍‌ କମିଟି ଓ ଶ୍ରୀମନ୍ଦିର ପରିଚାଳନା କମିଟିର ସ୍ୱୀକୃତି କ୍ରମେ ଚତୁର୍ଦ୍ଧାମୂରତିଙ୍କ ଘୋଷଯାତ୍ରା ନୀତି ନିର୍ଘଣ୍ଟ ଚୂଡ଼ାନ୍ତ ହୋଇଛି ।

ମହାପ୍ରଭୁଙ୍କ ଯାତ୍ରାକୁ ଶୃଙ୍ଖଳିତ କରିବା ପାଇଁ ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଶେଷ ହୋଇଛି । ସକାଳ ୬ଟାରେ ମଙ୍ଗଳ ଆଳତୀ,ସକାଳ ୯ଟାରେ ରଥ ପ୍ରତିଷ୍ଠା,୯ଟା ୩୦ରେ ଶ୍ରୀବିଗ୍ରହମାନଙ୍କ ପହଣ୍ଡି ଆରମ୍ଭ ,ଅପରାହ୍ନ ୨ଟା ରୁ ୩ଟା ଗଜପତି ମହାରାଜାଙ୍କ ଦ୍ୱାରା ଛେରାପହଁରା ନୀତି,ଅପରାହ୍ନ ୩ଟା ରୁ ୪ଟା ଚାରମାଳ ଫିଟିବା, ରଥରେ ଘୋଡ଼ା ଓ ସାରଥି ଲାଗିବା ନୀତି ଏବଂ ଅପରାହ୍ନ ୪ଟାରେ ସାରା ବିଶ୍ୱର ଭକ୍ତଙ୍କ ଅପେକ୍ଷାର ଅନ୍ତ ଘଟାଇ ଆରମ୍ଭ ହେବ ମହାପ୍ରଭୁଙ୍କ ରଥଟଣା ।