ମୃତ୍ୟୁ... କେତେବେଳେ,କେଉଁଠି ଆଉ କେଉଁ ସମୟରେ ଆସେ ତାହା କାହାକୁ ଜଣାନାହିଁ । ଠିକ୍ ସେମିତି କିଛି ଘଟିଯାଇଛି ଆଜି ସକାଳୁ ସକାଳୁ । ଭୋର୍ ସମୟ... ସ୍ଥାନ ଉତ୍ତରା ନିକଟ କୃପାଜଳ ଇଞ୍ଜିନିୟରିଂ କଲେଜ ସମ୍ମୁଖ । ମର୍ଣ୍ଣିଂ ୱାକ୍ ରେ ବାହାରିଥାନ୍ତି ସ୍ଥାନୀୟ ଦୁଇ ମହିଳା । ଜାତୀୟ ରାଜପଥରେ ଚାଲି ଚାଲି ଯାଉଥିବାବେଳେ ହଠାତ୍ ଭୁବନେଶ୍ୱର ପଟୁ ଏକ କଳା ରଙ୍ଗର କାର୍ ଦ୍ରୁତଗତିରେ ଆସି ଭାରସାମ୍ୟ ହରାଇ ପଛ ପଟୁ ଦୁଇ ମହିଳାଙ୍କୁ ଧକ୍କା ଦେଲା । ଆଉ ଇଏ ତା ପରର କଥା କହିଲେ ନସରେ । କାନ୍ଦ ବୋବାଳି..ରଡି ରେ ଫାଟି ପଡୁଛି ଏ ଅଞ୍ଚଳ । ଏମିତି ଦୁର୍ଘଟଣା ବୋଧେ କେହି କେବେ କଳ୍ପନା କରିନଥିବେ ।

କେମିତି ରାସ୍ତା କଡକୁ ଦୁଇ ମହିଳା ଝିଟିକ୍ ପଡିଛନ୍ତି । ହାତ, ଗୋଡ, ମୁହଁ ସବୁ ବଙ୍କା ହୋଇଯାଇଛି । ଗାଡିଟି ଏମିତି ପିଟିଛି ସବୁ ଛାରଖାର୍ । ଯିଏ ବି ଏ ଦୃଶ୍ୟ ଦେଖୁଛି ଆଶ୍ଚର୍ଯ୍ୟ ହେଉଛି । ଦୁର୍ଘଟଣାର ମୁହୁର୍ତ୍ତ ଯେ କେତେ ଭୟଙ୍କର ଥିବ ଭାବିଲେ ଆଶ୍ଚର୍ଯ୍ୟ ଲାଗୁଛି । ଅକରାଣର ୩ ଜଣଙ୍କର ଘଟଣା ସ୍ଥଳରେ ହିଁ ମୃତ୍ୟୁ ହୋଇଛି । ଆଉ ଜଣେ ବ୍ୟକ୍ତି ଜୀବନ ମରଣ ସହ ସଂଘର୍ଷ କରୁଛନ୍ତି ।

ପୁଣି ଦୁର୍ଘଟଣା ଘଟାଇଥିବା ସେ କାରର ଅବସ୍ଥା କହିଲେ ନସରେ । ଉତ୍ତରା ଅଞ୍ଚଳର ଦୁଇ ଜଣ ମହିଳା ସବୁ ଦିନ ପରି ସକାଳୁ ମର୍ଣ୍ଣିଂ ୱାକ୍ ପାଇଁ ରାସ୍ତାରେ ଚାଲୁଥିବା ବେଳେ ଭୁବନେଶ୍ୱର ପଟୁ ଦ୍ରୁତ ଗତିରେ ଆସୁଥିବା ଏକ କଳା ରଙ୍ଗର କାର୍ ଭାରସାମ୍ୟ ହରାଇ ପିଟିଥିଲା । କାର୍ ଦୁର୍ଘଟଣା ହୋଇ ରାସ୍ତା ତଳକୁ ଛିଟିକି ପଡିଥିବାବେଳେ କାର ଭିତରେ ଥିବା ଦୁଇ ଜଣକ ଭିତରୁ ଜଣକର ମୃତ୍ୟୁ ହୋଇଥିବା ବେଳେ ଦୁଇ ଜଣ ମହିଳା ଙ୍କର ମଧ୍ୟ ମୃତ୍ୟୁ ହୋଇଛି । ଓଭର୍ ସ୍ପିଡିଂରୁ ଦୁର୍ଘଟଣା ଘଟିଥିବା ପ୍ରତ୍ୟେକ୍ଷଦର୍ଶୀ ସୂଚନା ଦେଇଛନ୍ତି । ଦୁର୍ଘଟଣା ପରେ ଗାଡ଼ି ଏକ ଇଲେକ୍ଟ୍ରିକ ଖୁଣ୍ଟରେ ପିଟି ହେବା ସହ ଭାରସ୍ୟାମ ହରାଇ ନିକଟରେ ଥିବା ଏକ ଜୋର ଭିତରକୁ ଖସି ପଡ଼ିଥିଲା ।

ଦୁର୍ଘଟଣାଗ୍ରସ୍ତ କାରକୁ ଅଗ୍ନିଶମ ବିଭାଗ ଉଦ୍ଧାର କରିଥିବାବେଳେ ଦୁଇଟି ଆମ୍ବୁଲାନ୍ସ ପହଁଞ୍ଚି ସମସ୍ତଙ୍କୁ ଭୁବନେଶ୍ୱର ମେଡିକାଲ ନେଇଛି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଶବ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ ପଠାଇଛି । ଘଟଣାସ୍ଥଳରେ ଲୋକମାନଙ୍କର ଭିଡ଼ ଦେଖିବାକୁ ମିଳିଛି । ପିପିଲି ପୋଲିସ ଓ କୌଶଲ୍ୟାଗଙ୍ଗ ଫାଣ୍ଡି ଘଟଣାସ୍ଥଳରେ ପହଁଛି ଘଟଣାର ତଦନ୍ତ କରୁଛି ।