ଅର୍ଗସ ବ୍ୟୁରୋ: ଖୁବଶୀଘ୍ର ଓଡ଼ିଶା ଆସିବେ ଆଉ ତିନି ମହାବଳ ବାଘ । ଏନେଇ ବିଚାର ବିମର୍ଶ ଚାଲିଛି । ସେମାନଙ୍କୁ ଡେବ୍ରିଗଡ ଅଭୟାରଣ୍ୟରେ ଛଡ଼ାଯିବ । 5 ମହାବଳ ବାଘ ଭିତରୁ ଯମୁନା ଓ ଜିନ୍ନତ ଆସି ସାରିଛନ୍ତି । ଏ ଦୁଇ ମହାବଳ ବାଘ ସମ୍ପୂର୍ଣ୍ଣ ଖାପ୍ ଖୁଆଇଲା ପରେ ଆଉ ତିନି ମହାବଳ ବାଘ ଆଣିବାକୁ ସରକାର ନିଷ୍ପତ୍ତି ନେବେ ବୋଲି କହିଛନ୍ତି ଜଙ୍ଗଲ ମନ୍ତ୍ରୀ ଗଣେଶ ରାମସିଂ ଖୁଣ୍ଟିଆ । ସେପଟେ ବାଘୁଣୀ ଜିନ୍ନତ ସୁସ୍ଥ ଥିବା ନେଇ ବି ମନ୍ତ୍ରୀ ସୂଚନା ଦେଇଛନ୍ତି । ଜଳକ୍ରୀଡ଼ା କରୁଛି, ଖାଦ୍ୟ ଆହରଣ ବି କରୁଛି । ଶିମିଳିପାଳର ଦକ୍ଷିଣ ଭାଗରେ ବାଘୁଣୀକୁ ଛଡ଼ାଯିବ । ଯମୁନା ବି ସେଠାରେ ରହୁଛି ବୋଲି କହିଛନ୍ତି ମନ୍ତ୍ରୀ ।