ବ୍ରହ୍ମପୁର:  ନା ଯାଇଛନ୍ତି ସ୍କୁଲ, ନା  ଠିକ ଭାବେ କଥା କହି ପାରୁଛନ୍ତି । ଚଗଲାମିର ବୟସ କିନ୍ତୁ ଏହି ବୟସରେ ମିଳିଛି ଇଣ୍ଡିଆ ବୁକ ଅଫ ରେକର୍ଡର ସଫଳତା । ଏପରି ସଫଳତା ପାଇଛନ୍ତି ଗଞ୍ଜାମ ଜିଲ୍ଲା ରଙ୍ଗେଇଲୁଣ୍ଡା ବ୍ଲକ କନିସି ଅଞ୍ଚଳ ନିବାସୀ ଗାୟତ୍ରୀ ଗୌଡ଼ ଓ ମନୋଜ କୁମାର ଗୌଡ଼ଙ୍କ ପୁଅ ଇଶାନ୍ତ କୁମାର ଗୌଡ଼।  ସାଧାରଣରେ କୁହାଯାଏ ଯେ ପିଲାମାନେ ପ୍ରଥମେ ନଜ ମାତା ପିତାଙ୍କ ଠାରୁ ବିଭିନ୍ନ ଶିକ୍ଷା ଲାଭ କରିଥାନ୍ତି l ତେଣୁ ପିତା ମାତା ହେଉଛନ୍ତି ଶିଶୁର ପ୍ରଥମ ଶିକ୍ଷକ l ଏହାକୁ ବାସ୍ତବରେ ସତ କରି ଦେଖାଇଛନ୍ତି ତିନି ବର୍ଷର ଇଶାନ୍ତ l ସେ ଫ୍ଲାଷ କାର୍ଡ ଓ ୟୁଟୁବ ମାଧ୍ୟମରେ ନିଜ ମାଙ୍କ ଠାରୁ ବିଭିନ୍ନ ପ୍ରକାରର ଶିକ୍ଷା ଗ୍ରହଣ କାରବାକୁ ଆଗ୍ରହ ଦେଖାଇ ଥିଲେ l

ସେ ବିଭିନ୍ନ ପ୍ରକାରର 13ଟି ଫଳ, 11ଗୋଟି ପନିପରିବା, 26 ପ୍ରକାରର ବିଭିନ୍ନ ପଶୁ, 20 ପ୍ରକାରର ବିଭିନ୍ନ ଗାଡି, 19 ପକ୍ଷୀ, ମାସର ନାମ, ଛଅଟି ଋତୁର ନାମ, 1 ଠାରୁ 20 ପଯ୍ୟନ୍ତ ସଂଖ୍ୟା ମନେ ରଖିବା, ବିଭିନ୍ନ ସାଧାରଣ ଜ୍ଞାନ ପ୍ରଶ୍ନର ଉତ୍ତର କହିବା, ହିନ୍ଦୀ ଓ ଇଂରାଜି  ରେ ବିଭିନ୍ନ ଶିଶୁ ଗୀତ ଗାଇବା ଭଳି କାର୍ଯ୍ୟ କରି ସେ ଇଣ୍ଡିଆ ବୁକ ଅଫ ରେକର୍ଡ ରେ ସ୍ଥାନ ପାଇ ଅନ୍ୟ ଶିଶୁଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି l  ପିଲାଟି ଦିନରୁ ହିଁ ସେ ବେଶ ପ୍ରତିଭାବାନ । ଅଢେଇବର୍ଷ ବୟସରେ ସବୁ କିଛି ଜାଣିବାର ଇଚ୍ଛା ଶକ୍ତି ଦେଖି ପରିବାର ଲୋକେ ତାଙ୍କୁ କିଛି ନୂଆ କରିବାର ଉଦ୍ୟମ କରିଥିଲେ । ଯାହାକି ତାଙ୍କ ନାମକୁ ଇଣ୍ଡିଆ ବୁକ ଅଫ୍ ରେକର୍ଡରେ ସ୍ଥାନ ଦେବାକୁ ଆବେଦନ କରିଥିଲେ । ଇଶାନ୍ତ ନୁଆଁ ନୁଆଁ କଥା ଜାଣିବା ଓ ଶିଖିବାର ଇଛା ଦେଖି ବାପା ମା ତାଙ୍କୁ ତାର ପାଠ ପଢିବାରେ ସହଯୋଗ କରୁଥିଲେ ।  ଆଜି ପୁଅ ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇବା ପରେ ସେ ଅତ୍ୟନ୍ତ ଖୁସି ହେବା ସହ ଅନ୍ୟ ପାଇଁ ପ୍ରେରଣା ସୃଷ୍ଟି କରିବ ବୋଲି କହିଛନ୍ତି। 
 ଅଧିକ  ଦେଖନ୍ତୁ :