ମୟୂରଭଞ୍ଜ: ସଫ୍ଟ ଏନକ୍ଲୋଜରରୁ ମୁକ୍ତ ହେଲା ବାଘୁଣୀ 'ଜୀନ୍ନତ' । ମହାରାଷ୍ଟ୍ରରୁ ଶିମିଳିପାଳକୁ ଆସିଥିବା ଦ୍ବିତୀୟ ବାଘୁଣୀ ଜିନ୍ନତ୍ ଗତକାଲି ସନ୍ଧ୍ୟାରେ ଫାଟକ ଖୋଲାଯାଇଥିବାବେଳେ ରାତି 9.30 ମିନିଟ୍ ସମୟରେ ବାହାରକୁ ଯାଇଥିଲା । ଶିମିଳିପାଳ ଉତ୍ତର ଜୋନ ଅଞ୍ଚଳରେ ଏବେ ମୁକ୍ତ ଭାବରେ ରହିବ ବାଘୁଣୀ । ବିଭାଗ ପକ୍ଷରୁ ବାଘକୁ 24 ଘଣ୍ଟା ମନିଟରିଂ ପାଇଁ ୩ଟି ଟିମ୍ ଗଠନ କରାଯାଇଛି । ଏବେ ଜମୁନା ଓ ଜିନ୍ନତ୍ ୨ ବାଘୁଣୀ ମୁକ୍ତ ଭାବରେ ଶିମିଳିପାଳରେ ବିଚରଣ କରୁଥିବା ନେଇ ଶିମିଳିପାଳ କର୍ତ୍ତୃପକ୍ଷ ସୂଚନା ପ୍ରଦାନ କରିଛନ୍ତି ।