ଅର୍ଗସ ବ୍ୟୁରୋ: ଆଜି ମୁଖ୍ୟମନ୍ତ୍ରୀଙ୍କ ଝାଡ଼ଖଣ୍ଡ ଗସ୍ତର ଦ୍ବିତୀୟ ଦିନ । ଚାଇଁବସାରେ ପରିବର୍ତ୍ତନ ସମାବେଶରେ ଯୋଗଦେବେ ମୋହନ ମାଝୀ । ଅଧିକାଂଶ ଓଡ଼ିଆ ଭାଷାଭାଷୀ ରହୁଥିବା ଝାଡ଼ଖଣ୍ଡର 3ଟି ଜିଲ୍ଲାର କେନ୍ଦ୍ର ହେଉଛି ଚାଇଁବସା ।  ଝାଡ଼ଖଣ୍ଡର ଦୁଇ ପୂର୍ବତନ ମୁଖ୍ୟମନ୍ତ୍ରୀ ମଧୁ କୋଡ଼ା ଓ ଚମ୍ପେଇ ସୋରେନଙ୍କ ସମେତ 2ଟି ଲୋକସଭା ଓ 14ଟି ବିଧାନସଭା ନିର୍ବାଚନମଣ୍ଡଳୀର ସବୁ ବଡ଼ ବିଜେପି ନେତା ଏଥିରେ ସାମିଲ ହେବାର କାର୍ଯ୍ୟକ୍ରମ ରହିଛି । 

ଝାଡ଼ଖଣ୍ଡରେ କେବେ ନିର୍ବାଚନ ହେବ ସେନେଇ ତାରିଖ ଘୋଷଣା କରାଯାଇନାହିଁ। ତେବେ ବିଜେପି ପକ୍ଷରୁ ପ୍ରାକ୍ ନିର୍ବାଚନୀ ପ୍ରସ୍ତୁତି ଆରମ୍ଭ ହୋଇଯାଇଛି । ଗତକାଲି ଝାଡଖଣ୍ଡରେ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ନିର୍ବାଚନୀ ପ୍ରଚାରରେ ସାମିଲ ହୋଇ କହିଛନ୍ତି, ଝାଡଖଣ୍ଡର ବିକାଶ ପାଇଁ ଆପଣ ଡବଲ ଇଂଜିନ୍ ଲଗାନ୍ତୁ । ରାଜ୍ୟରେ ଥିବା ହେମନ୍ତ ସୋରେନ୍ ସରକାର ରାଜ୍ୟବାସୀଙ୍କୁ ଧୋକ୍କା ଦେଇଛନ୍ତି । 

କେନ୍ଦ୍ର ସରକାର ଜନହିତକର ଯୋଜନା ଲୋକଙ୍କ ପାଖରେ ପହଞ୍ଚୁନାହିଁ । ଏବେ ସମୟ ଆସୁଛି ସେ ଭଳି ସରକାରକୁ ଉଖାଡି ଫିଙ୍ଗିବା ପାଇଁ । ଡବଲ ଇଞ୍ଜିନ ସରକାର ଆସିଲେ ବିକାଶ ନିଶ୍ଚିତ ହେବ ବୋଲି କହିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ।