ଟନେଲ୍ ରେ ପଶିଯିବେ ପର୍ଯ୍ୟଟକ, ସମୁଦ୍ର ଭଳି କରିବେ ଫିଲ୍। ପୁରୀରେ ହେବ ଦୁବାଇ ଭଳି ମେରାଇନ ଆକ୍ୱାରିଅମ ଓ ଅଣ୍ଡର ୱାଟର୍ ଜୁ । ଏଥିରେ କାଫେଟରିଆ ଠାରୁ ଆରମ୍ଭ କରି ସପିଙ୍ଗ ମଲ୍ ଓ ରେଷ୍ଟୁରାଣ୍ଟ ପର୍ଯ୍ୟନ୍ତ ଗୋଟିଏ ସ୍ଥାନରେ ପାଇବେ । ଏଭଳି କିଛି ଯୋଜନା କରୁଛନ୍ତି ରାଜ୍ୟ ସରକାର । ପ୍ରାୟ ୨୦୦ କୋଟି ବ୍ୟୟରେ ୨୨ ଏକର ଜମିରେ ଏକ ବୃହତ୍ ପ୍ରକଳ୍ପ କରିବାକୁ ଯୋଜନା କରାଯାଉଛି ।

ଗତ ୨୦୧୩ରେ ଏଭଳି ଏକ ପରିକଳ୍ପନା କରିଥିଲେ ତତ୍କାଳୀନ ସରକାର । ଅର୍ବାନ ହାଟ ସମ୍ମୁଖରେ ଜାଗା ବି ଚିହ୍ନଟ ହୋଇଥିଲା । ୨ ଦଶମିକ ଚାରି ଶୁନ ଚାରି ଏକର ଜମିରେ ୭ କୋଟି ୨୦ ଲକ୍ଷର ଅନୁଦାନ ବି ମଞ୍ଜୁର ହୋଇଥିଲା । ହେଲେ କାମ ପାଦେ ବି ଆଗେଇଲାନି। ଏବେ ସେ ସ୍ଥାନ ଅନାବନା ହୋଇ ପଡ଼ି ରହିଛି । ତେବେ ବର୍ତ୍ତମାନର ସରକାର ପ୍ରାୟ ୧୫୦ରୁ ୨୦୦ କୋଟି ଅର୍ଥାତ୍ ପୂର୍ବ ଯୋଜନାର ୩୦ ଗୁଣ ଅଧିକ ଟଙ୍କା ବ୍ୟୟରେ ଏକ ବିଶ୍ବସ୍ତରୀୟ ପ୍ରକଳ୍ପର ରୂପରେଖ ଦେବାକୁ ଚିନ୍ତା କରିଛନ୍ତି ।

ସରକାର ଆଙ୍କିଥିବା ଏଇ ନୂଆ ନକ୍ସା ଯେତେ ଜଲଦି ସଫଳ ରୂପାୟନ ହେବ, ସେତେ ଶୀଘ୍ର ଓଡ଼ିଶା ପର୍ଯ୍ୟଟନ ନକ୍ସାରେ ନୂଆ ଫର୍ଦ୍ଦ ଯୋଡ଼ି ହେବ ଏବଂ ପର୍ଯ୍ୟଟନକୁ ମିଳିବ ନୂଆ ଗତି ।