ଝିଅଙ୍କୁ ଧରି ଟ୍ରେନ ଆଗକୁ ଡେଇଁଲା ମା । ଫଳରେ ଟ୍ରେନ ଧକ୍କାରେ ବଡ଼ ଝିଅର ମୃତ୍ୟୁ ହୋଇଥିବା ବେଳେ ମା ଗୁରୁତର ଆହତ ଓ ସାନ ଝିଅ ସାମାନ୍ୟ ଆହତ ଅବସ୍ଥାରେ ମେଡିକାଲ ରେ ଭର୍ତ୍ତି। ଯାଜପୁର ଜିଲ୍ଲା ସୁକିନ୍ଦା ଥାନା ଦାମୋଦରପୁର ନିକଟରେ ଘଟିଛି ଏହି ଅଘଟଣ । ସୁକିନ୍ଦା ଥାନା ମୂଳଖମ୍ବ ଗ୍ରାମର ଶରଣ ବେହେରାଙ୍କ ଚାରି ବର୍ଷର ଝିଅ ସୁଶ୍ରୀ ବେହେରାଙ୍କର ମୃତ୍ୟୁ ଘଟିଥିବା ବେଳେ ଶରଣ ଙ୍କ ସ୍ତ୍ରୀ କୁନି ବେହେରା ଓ ସାନ ଝିଅ ଙ୍କୁ ସ୍ଥାନୀୟ ଲୋକ ଓ ସୁକିନ୍ଦା ପୋଲିସ ସହାୟତା ରେ ଗୁରୁତର ଅବସ୍ଥା ରେ ସୁକିନ୍ଦା ମେଡିକାଲ ରେ ଭର୍ତ୍ତି କରାଯାଇଥିଲା।

ପ୍ରାଥମିକ ଚିକିତ୍ସା ପରେ ମାଙ୍କୁ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି । ଏଥିସହିତ ସାନ ଝିଅକୁ ଚିକିତ୍ସା ପରେ ନିକଟସ୍ଥ ଶିଶୁ ଯତ୍ନ ଗୃହରେ ରଖାଯାଇଥିବା ଜଣାପଡିଛି। ଏହି ଘଟଣା ର କାରଣ ଏ ଯାଏ ଅସ୍ପଷ୍ଟ ରହିଛି । ପୋଲିସ ଏଡି ଘଟଣାରେ ତଦନ୍ତ ଜାରି ରଖିଛି।