ଚା ଦୋକାନକୁ ମାଡ଼ିଗଲା ହାଇଓ୍ବା, ୩ ଜଣଙ୍କର ମୃତ୍ୟୁ । ସୁନ୍ଦରଗଡ଼ କୋଇଡ଼ା ଜମୁଡିହି ଟୋଲ ଗେଟ୍ ସମ୍ମୁଖରେ ଥିବା ଚା ଦୋକାନକୁ ଦ୍ରୁତ ଗତିରେ ମାଡ଼ିଗଲା ହାଇଓ୍ବା । ଦୋକାନରେ ଥିବା ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୨ଜଣ ଗୁରୁତର ହୋଇଛନ୍ତି । ମୃତକ ଚା' ବିକୁଥିବା ମହିଳା ସୁନିତା ଚକ୍ରବର୍ତ୍ତି । ଅନ୍ୟ ଦୁଇଜଣ ଡ଼୍ରାଇଭରଙ୍କ ପରିଚୟ ମିଳିପାରିନାହିଁ । ମୃତ ମହିଳାଙ୍କ ସ୍ୱାମୀ ରଞ୍ଜିତ ଚକ୍ରବର୍ତ୍ତି ଏବଂ ୬ ବର୍ଷର ପୁଅ ଗୁରୁତର ଅବସ୍ଥାରେ ଲହୁଣୀପଡ଼ା ମେଡ଼ିକାଲରେ ଭର୍ତ୍ତି । ଦୋକାନଟି ସମ୍ପୂର୍ଣ୍ଣ ଭାବେ ଚୁରମାର ହୋଇଯାଇଛି । ହାଇଓ୍ବା ଗାଡ଼ି ବ୍ରେକ ଫେଲ୍ ହେବାରୁ ମାଡ଼ିଗଲା ଚା ଦୋକାନକୁ ।