ମେରୁ ସଂକ୍ରାନ୍ତିରେ ତିନି ତିନୋଟି ଦୁର୍ଘଟଣା l ଦୁଇ ମୃତ ଚାରି ଗୁରୁତର l ଗଞ୍ଜାମ ଜିଲ୍ଲା କବିସୂର୍ଯ୍ୟ ନଗର ଥାନା ବୁଢାମ୍ୱ ଛିନ୍ନମସ୍ତା ଠାରେ ଅଜଣା ଗାଡ଼ି ଧକ୍କାରେ କବିସୂର୍ଯ୍ୟନଗର ଥାନା ଖଜାପଲ୍ଲି ପଞ୍ଚାୟତ ଅନ୍ତର୍ଗତ ଦେଓଗାଁ ର ୧୮ ବର୍ଷୀୟ ଦୀପକ ବିଷୋୟୀ ମୃତ୍ୟୁ ହୋଇଛି ।

ମୃତ ଦୀପକ କବିସୂର୍ଯ୍ୟନଗରକୁ ମେରୁଯାତ୍ରା ଦେଖିବାକୁ ଆସୁଥିବା ବେଳେ ତାଙ୍କୁ ଅଜଣା ଗାଡ଼ି ଧକ୍କା ଦେବା ଫଳରେ ତାଙ୍କର ମୃତ୍ୟୁ ହୋଇଥିଲା ।

ସେହିପରି ଗଞ୍ଜାମ ଜିଲ୍ଲା ଆସିକା ଥନା ଅନ୍ତର୍ଗତ ବାଲିସିରା ନିକଟରେ ସ୍କୁଟି ସହ ବାଇକ ଧକ୍କାରେ ଜଣେ ମୃତ ତିନିଗୁରୁତର ହୋଇଛନ୍ତି l ମୃତ ବ୍ୟକ୍ତି ଜଣକ ହେଲେ ମୁଣ୍ଡମରେଇ ପଞ୍ଚାୟତ ପୋଡା ପଲ୍ଲୀ ଗ୍ରାମର ୫୭ ବର୍ଷୀୟ ଗିରିଜା ଶଙ୍କର ମିଶ୍ର ।

ସୂଚନା ଅନୁସାରେ ଗିରିଜା ଶଙ୍କର ମିଶ୍ର ତାଙ୍କ ସ୍ତ୍ରୀ ବର୍ଷା ରାଣୀ ମିଶ୍ର ଓ ଝିଅ ବିଶାଖା ମିଶ୍ର ଙ୍କୁ ନେଇ ବାଇକ୍ ସାହାଯ୍ୟରେ ଭଞ୍ଜନଗରରୁ ନିଜ ଗ୍ରାମ ପୋଡା ପଲ୍ଲୀକୁ ଫେରୁଥିବା ବେଳେ ଆର ପଟୁ ଆସୁଥିବା ସ୍କୁଟି ସହ ଧକ୍କା ହୋଇଥିଲା । ଘଟଣା ସ୍ଥଳରେ ଗିରିଜା ଶଙ୍କର ମିଶ୍ରଙ୍କ ମୃତ୍ୟୁ ହୋଇଥିଲା ।

ସେହିପରି ଧରାକୋଟ ବ୍ଲକ୍ ଧରାକୋଟ ଥାନା ଅନ୍ତର୍ଗତ କଇଠରା ନିକଟରେ ବୋଲେରୋ ସହ ବୁଲେଟ ଧକ୍କାରେ ଧରାକୋଟ ବ୍ଲକ ଧରାକୋଟ ପଞ୍ଚାୟତର ୩୨ ବର୍ଷୀୟ ଲିପୁ ମହାନ୍ତି ଗୁରୁତର ହୋଇଛନ୍ତି l