Accident News / ଉଦଳା ମେଡିକାଲ ଭିତରେ ଆମ୍ବୁଲାନ୍ସ ଜଳିଯିବା ଘଟଣାରେ ସାମ୍ନାକୁ ଆସିଲା ତଥ୍ୟ

ଉଦଳା ମେଡିକାଲ ଭିତରେ ଆମ୍ବୁଲାନ୍ସ ବିସ୍ଫୋରଣ ହେବା ପଛର ସତ ଆସିଲା ସାମ୍ନାକୁ । ଉକ୍ତ ଆମ୍ବୁଲାନ୍ସ ର ଡ୍ରାଇଭର ଏମଭିଆଇ ଙ୍କ ଆଗରେ ବଖାଣିଲେ ଘଟଣା ର ସତ। ଏମଭିଆଇ ଙ୍କ ଆଗରେ ସେଦିନ ଘଟିଥିବା ଘଟଣା ର ପ୍ରକୃତ ସତ୍ୟ କହିଥିଲେ ଆମ୍ବୁଲାନ୍ସ ଡ୍ରାଇଭର ବିକାଶ ପ୍ରଧାନ ।

ରୋଗୀଙ୍କୁ ଆମ୍ବୁଲାନ୍ସ ରେ ଭର୍ତ୍ତି କରିବା ପରେ ଅକ୍ସିଜେନ ଚାଲିଥିଲା । ଏହି ସମୟରେ ସମ୍ପର୍କୀୟ ମାଗିଥିଲେ ଅକ୍ସିମିଟର । ଡ୍ରାଇଭର ବିକାଶ ପ୍ରଧାନ ଅକ୍ସିମିଟର ଦେଇଥିବା ବେଳେ ଅଚାନକ ଆମ୍ବୁଲାନ୍ସ ଭିତରେ ଥିବା ବେସିନ ତଳୁ ଏକ ତାର ରୁ ନିଆଁ ବାହାରିଥିଲା । ନିଆଁ ବାହାରିବା ପରେ ଅକ୍ସିଜେନ ପାଇପରେ ଲାଗିଯାଇଥିଲା, ଯାହା ଫଳରେ ଅକ୍ସିଜେନ ଲିକ ହୋଇଥିଲା ।

ଆଉ ଏହା ପରେ ନିଆଁ ଭୟଙ୍କର ରୂପ ଧାରଣ କରିଥିଲା । ଏହି ସମୟ ଭିତରେ ଜୀବନକୁ ବାଜି ଲଗାଇ ନିଆଁ ଭିତରୁ ଷ୍ଟ୍ରେଚର ଜରିଆରେ ରୋଗୀ ଙ୍କୁ ବାହାରକୁ ନେଇଥିଲେ ଏବଂ ୨୦ ମିନିଟ ଭିତରେ ସମ୍ପୂର୍ଣ୍ଣ ଆମ୍ବୁଲାନ୍ସ ଜଳିଯାଇଥିଲା । ଆମ୍ବୁଲାନ୍ସ ଭିତରେ ଥିବା ୪ ଗୋଟି ଟାଙ୍କି ମଧ୍ୟରୁ ଦୁଇ ଗୋଟି ଫାଙ୍କା ଟାଙ୍କି ଥିବା ବେଳେ ଗୋଟିଏ ଟାଙ୍କି ରୁ ହିଁ ନିଆଁ ଲାଗିଥିଲା, ଯେଉଁ ଟାଙ୍କି ନିଆଁ ଲାଗିଥିଲା ତାହା ହିଁ ପରବର୍ତ୍ତୀ ସମୟରେ ବ୍ଲାଷ୍ଟ ହୋଇଥିବା କହିଛନ୍ତି ଆମ୍ବୁଲାନ୍ସ ଡ୍ରାଇଭର ।

• ଜଣେ ରୋଗୀଙ୍କ ମୃତ୍ୟୁ, ଦୁଇ ଜଣ ଗୁରୁତର

ବିସ୍ଫୋରଣ ପରେ ଆମ୍ବୁଲାନ୍ସରେ ଭୟଙ୍କର ନିଆଁ ଲାଗିଯାଇଥିଲା । ଉପସ୍ଥିତ ସ୍ଥାନୀୟ ଲୋକେ ତୁରନ୍ତ ରୋଗୀଙ୍କୁ ଆମ୍ବୁଲାନ୍ସରୁ ବାହାର କରିଥିଲେ । ତେବେ ନିଆଁରେ ପୋଡ଼ି ଯାଇଥିବା ରୋଗୀଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ଅନ୍ୟପଟେ, ଆମ୍ବୁଲାନ୍ସରେ ବିସ୍ଫୋରଣ ଏତେ ଭୟଙ୍କର ଥିଲା ଯେ ଏହାର ଉପର ଭାଗ ଉଡ଼ି ଅନ୍ୟ ରୋଗୀଙ୍କ ଉପରେ ପଡ଼ିଥିଲା । ଫଳରେ ଦୁଇ ଜଣ ଗୁରୁତର ହୋଇଥିବା ସୂଚନା ମିଳିଛି ।

• ଅଗ୍ନିଶମ ବିଭାଗ ପକ୍ଷରୁ ନିଆଁ ଆୟତ୍ତ