FM କଲେଜ ଛାତ୍ରୀ ମୃତ୍ୟୁ ଘଟଣାରେ ଆଜି ପଞ୍ଚମ ଦିନରେ କ୍ରାଇମବ୍ରାଞ୍ଚର ତନାଘନା ତଦନ୍ତ । କ୍ରାଇମବ୍ରାଞ୍ଚ ଡିଜି ନିଜେ ସମୀକ୍ଷା କରିସାରିଥିବା ବେଳେ ଆଇଜି ଏସ. ସାଇନି ପୁରା ତଦନ୍ତ ଉପରେ ନଜର ରଖିଛନ୍ତି। ପେଟ୍ରୋଲ ପମ୍ପ ଠାରୁ ଆରମ୍ଭ କରି ପୀଡ଼ିତାଙ୍କ ଘର ଓ କଲେଜ୍ କ୍ୟାମ୍ପସ ସବୁଠି କ୍ରାଇମବ୍ରାଞ୍ଚର ଛାନବିନ। ଏକାଧିକ ଛାତ୍ରଛାତ୍ରୀ ଓ କଲେଜ୍ କର୍ମଚାରୀଙ୍କୁ ପଚରାଉଚୁରା । ସାକ୍ଷୀ ମାନେ ବାରମ୍ବାର ବଦଳାଉ ଛନ୍ତି ମତ। ପୋଲିସ କୁ ଦେଇଥିବା ବୟାନ ଏବଂ ବର୍ତ୍ତମାନ କ୍ରାଇମବ୍ରାଞ୍ଚ୍ କୁ ଦେଇଥିବା ବୟାନ ମଧ୍ୟରେ ତାଳମେଳ ରହୁନାହିଁ ।

ସେପଟେ ବଳଙ୍ଗାରେ ନାବାଳିକାଙ୍କୁ ନିଆଁ ଲଗାଇବା ଘଟଣାରେ କ୍ରାଇମବ୍ରାଞ୍ଚର ଏକ ଟିମ । ବଳଙ୍ଗା ଥାନାରେ ପହଂଚି ଅଧିକାରୀମାନଙ୍କ ସହିତ ପୁଙ୍ଖାନୁପୁଙ୍ଖ ଆଲୋଚନା କରିଛି । ଏଥିସହ ଗାଁର କିଛି ଲୋକଙ୍କୁ ପୋଲିସ ପଚରା ଉଚରା କରିଛି । ମିଳିଥିବା ସୂଚନା ଅନୁସାରେ ପୀଜିତାଙ୍କ ସାଙ୍ଗକୁ ପୋଲିସ 3ଦିନ ଧରି ପଚରା ଉଚରା କରିଛି । କେଉଁ ପରିସ୍ଥିତିରେ ନିଆଁ ଲାଗିଲା, କେମିତି ଲାଗିଲା ଏବଂ କାହିଁକି ଲାଗିଲା ସେନେଇ ପୋଲିସ ଛାନବିନ କରୁଛି । ପୀଡିତା ପଢୁଥିବା ସ୍କୁଲର ଅଷ୍ଟମ ଶ୍ରେଣୀର କିଛି ଛାତ୍ରୀଙ୍କୁ ମଧ୍ୟ ପୋଲିସ ପଚରା ଉଚରା କରିଛି ।

ଦୁଇଟି ଯାକ ଘଟଣାରେ ସରକାରଙ୍କ ତ୍ବରିତ ପଦକ୍ଷେପ ଗ୍ରହଣ କରିଛନ୍ତି । ବାଲେଶ୍ବର ଘଟଣାରେ କଲେଜ ଅଧ୍ୟକ୍ଷ ଏବଂ HODଙ୍କୁ ଗିରଫ କରାଯାଇଥିବା ବେଳେ ବଳଙ୍ଗା ଘଟଣାରେ ପୀଡିତାଙ୍କୁ ଦିଲ୍ଲୀ ଏମ୍ସକୁ ଏୟାରଲିଫ୍ଟ କରାସରିଛି । ଏବେ ଦିଲ୍ଲୀ ଏମ୍ସରେ ଚାଲିଛି ବଳଙ୍ଗା ପୀଡ଼ିତାଙ୍କ ଚିକିତ୍ସା ।