ସମ୍ବଲପୁର IIMର 11 ତମ ପ୍ରତିଷ୍ଠା ଦିବସରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଅଭିଭାଷଣ ରଖି ଧର୍ମେନ୍ଦ୍ର କହିଛନ୍ତି, ସମ୍ବଲପୁରକୁ କେସ ଷ୍ଟଡି ଭାବେ ବ୍ୟବହାର କର । ସେ କହିଛନ୍ତି ଯଦି ଜବ ସିକ୍ୟୋର ନୁହେଁ ଜବ କ୍ରିଏଟର ହୁଅ । ବହିରୁ ମିଳୁଥିବା ଜ୍ଞାନ ପର୍ଯ୍ୟାପ୍ତ ନୁହେଁ । ସମସ୍ତ ଛାତ୍ର ସମ୍ବଲପୁର ଆସି ପାଠ ପଡିବା ଗର୍ବ ସୌଭାଗ୍ୟର କଥା । ସମ୍ବଲପୁରରେ ହୀରାକୁଦ ଭଳି ସୁଦୀର୍ଘ ଡ୍ୟାମ ସହ ସମଲେଶ୍ୱରୀ ମନ୍ଦିର, ଦେବ୍ରିଗଡ଼ ଓ ରଙ୍ଗବତୀ ଭଳି ଗୀତ ଅଛି । ଚାଷ, ଟୁରିଜିମ, ଫିଲସୋଫି ସବୁକିଛି ସମ୍ବଲପୁର ରେ ଅଛି । ଏହି ଅବସରରେ ଛାତ୍ରମାନେ ରଙ୍ଗବତୀ ଗୀତ ମଧ୍ୟ ବୋଲିଥିଲେ ।
ନବରାତ୍ର ରେ ଜନ୍ମିତ କନ୍ୟା ଙ୍କ ପାଇଁ ଆୟୋଜିତ ହୋଇଛି ସ୍ୱତନ୍ତ୍ର ସମ୍ବର୍ଦ୍ଧନା କାର୍ଯ୍ୟକ୍ରମ ।

ବିକାଶ ଫାଉଣ୍ଡେସନ ତରଫରୁ ଆୟୋଜିତ ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କନ୍ୟା ପୂଜନ କରାଯିବା ସହ ଏକ ଉତ୍ସବ ମାଧ୍ୟମ ରେ ନବ ଜନ୍ମିତ ଶିଶୁ କନ୍ୟା ଙ୍କୁ ସମ୍ମାନିତ କରାଯାଇଛି । ସେହିପରି ଶିକ୍ଷା କ୍ଷେତ୍ର ରେ ସହଯୋଗ ପାଇଁ କିଛି ଛାତ୍ରୀଙ୍କୁ ମୋବାଇଲ ସହ କିଛି ଅର୍ଥ ପ୍ରଦାନ କରାଯାଇଛି ।

ନବରାତ୍ର ସମୟରେ ଜନ୍ମ ନେଇଥିବା ୧୨୧ ଜଣ ନବ ଜାତ ଶିଶୁ କନ୍ୟା ଙ୍କୁ ସମ୍ବର୍ଦ୍ଧନା କରିବା ସହ ୨ଟି ଲେଖାଏଁ କିଟ ବଣ୍ଟନ ଓ ଆର୍ଥିକ ସହାୟତା ପ୍ରଦାନ କରାଯାଇଛି । ୧୧୨ ଜଣ ଅନାଥ ଶିଶୁ କନ୍ୟା ଙ୍କୁ ଆର୍ଥିକ ସହାୟତା ପ୍ରଦାନ, ସୁକନ୍ୟା ସମୃଦ୍ଧି ପାଇଁ ୫ ଜଣ ଶିଶୁ କନ୍ୟା କୁ ୫ ହଜାର ନଗଦ ଟଙ୍କା ସହାୟତା, ହୋଟେଲ ମ୍ୟାନେଜ ମେଣ୍ଟ ପାଠପଢୁଥିବା ୫ ଜଣ ଛାତ୍ରୀ ଙ୍କୁ ମୋବାଇଲ ଫୋନ ପ୍ରଦାନ କରିଛନ୍ତି । କେନ୍ଦ୍ର ମନ୍ତ୍ରୀ କହିଛନ୍ତି ସମ୍ବଲପୁର ର ମହିଳା ଙ୍କ ହାର ପୁରୁଷ ଙ୍କ ଠାରୁ ଅଧିକ । 1000 ପୁରୁଷ ରେ 1076 ମହିଳା ଅଛନ୍ତି । ଗତ 10 ବର୍ଷ ରେ ଜନ୍ମ ନେଇଥିବା ଝିଅ ଙ୍କ ସହ ଆଗାମୀ 20 ବର୍ଷ ରେ ଜନ୍ମ ନେବାକୁ ଥିବା ପ୍ରାୟ ଦେଢ଼ ଲକ୍ଷ ଝିଅ ଙ୍କ ଉତ୍ତମ ଯତ୍ନ ନିଆଯାଉ । ସମ୍ବଲପୁର ର ମହିଳା ସଶକ୍ତିକରଣ ଜାତୀୟ ସ୍ତର ରେ ଚର୍ଚ୍ଚା ର ବିଷୟ ହେବା ଭଳି ପ୍ରସ୍ତୁତ କରିବାକୁ ଜନ ସାଧାରଣ ଙ୍କୁ ସେ ଅପିଲ କରିଛନ୍ତି ।

ଚିପିଲିମା ଘଣ୍ଟେଶ୍ୱରୀ ମନ୍ଦିର ରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ମା ଙ୍କ ଦର୍ଶନ କରିବା ସହ କରିଛନ୍ତି ପୂଜାର୍ଚନା । ରେଢ଼ାଖୋଲ ପଡିଆବାହଲ ଦୁର୍ଗାପୂଜା ମଣ୍ଡପ ବୁଲି ମା ଙ୍କ ଦର୍ଶନ କରିଛନ୍ତି । ସାଙ୍ଗରେ ଅଛନ୍ତି ମନ୍ତ୍ରୀ ରବି ନାଏକ ।