ଭୁବନେଶ୍ୱର: ୪ ଦିନିଆ ଓଡିଶା ଗସ୍ତରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଗତକାଲି ରାତି ୧୦ ଟାରେ କେନ୍ଦ୍ର ଶିକ୍ଷା ମନ୍ତ୍ରୀ ଭୁବନେଶ୍ବର ଏୟାରପୋର୍ଟରେ ପହଞ୍ଚିଥିବା ବେଳେ ଭୁବନେଶ୍ଵରରେ ରାତ୍ରି ଯାପନ କରିଛନ୍ତି । ଆଜି ଭୁବନେଶ୍ଵରରେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବା ସହ ପରବର୍ତ୍ତୀ ସମୟରେ କଟକ, ଜଗତସିଂପୁର ଓ ସମ୍ବଲପୁରରେ ଆୟୋଜିତ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ କେନ୍ଦ୍ରମନ୍ତ୍ରୀ । ଆଜି ଓଡିଶା ସାମ୍ବାଦିକ ସଂଘର ୫୩ତମ ପ୍ରତିଷ୍ଠା ଦିବସ କାର୍ଯ୍ୟକ୍ରମରେ ସାମିଲ ହେବେ କେନ୍ଦ୍ରମନ୍ତ୍ରୀ । ମଧ୍ୟାନ୍ନରେ ଷଷ୍ଠ ଡିଏଭି ଫେଷ୍ଟିଭାଲ ଏବଂ ସଂଧ୍ୟାରେ ଆଠଗଡ ମହୋତ୍ସବରେ ମଧ୍ୟ ଯୋଗ ଦେବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।