ନୂଆଦିଲ୍ଲୀ ସ୍ଥିତ ଏମ୍ସ ମେଡିକାଲରେ ଚିକିତ୍ସାଧୀନ ଥିବା ପୁରୀ ବଳଙ୍ଗା ନାବାଳିକାଙ୍କ ପରିବାର ବର୍ଗଙ୍କୁ ଭେଟି ସମବେଦନା ଜଣାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ନାବାଳିକାଟିର ସ୍ୱାସ୍ଥ୍ୟାବସ୍ଥା ସମ୍ପର୍କରେ ଏମ୍ସ କର୍ତ୍ତୃପକ୍ଷଙ୍କ ସହ ଆଲୋଚନା କରିଛନ୍ତି । ତାଙ୍କର ଆଶୁ ଆରୋଗ୍ୟ କାମନା କରିବା ସହ ଶୀଘ୍ର ସୁସ୍ଥ ହୋଇ ସେ ଘରକୁ ଫେରିବା ନେଇ ଧର୍ମେନ୍ଦ୍ର ମହାପ୍ରଭୁଙ୍କ ପାଖରେ ପ୍ରାର୍ଥନା କରିଛନ୍ତି ।

ସେପଟେ ଦିଲ୍ଲୀ ଏମ୍‌ସର ବର୍ଣ୍ଣ ଓ ପ୍ଲାଷ୍ଟିକ ସର୍ଜରି ବିଭାଗ ଆଇସିୟୁରେ ଭର୍ତ୍ତି ହଇ ଚିକ୍ତ୍ସିତ ହେଉଛନ୍ତି ବଲଙ୍ଗା ପୀଡ଼ିତା । ତାଙ୍କର ସ୍ବାସ୍ଥ୍ୟାବସ୍ଥା ସଙ୍କଟାପନ୍ନ ରହିଛି ଓ ସେ ଅକ୍ସିଜେନ‌୍ ସପୋର୍ଟରେ ରହିଛନ୍ତି । ବର୍ଣ୍ଣ ଓ ପ୍ଲାଷ୍ଟିକ୍‌ ସର୍ଜରି ବିଭାଗ ଡାକ୍ତରୀ ଟିମ୍‌ ପୀଡ଼ିତାଙ୍କ ସ୍ବାସ୍ଥ୍ୟାବସ୍ଥାର ତଦାରଖ କରୁଛନ୍ତି । ପୀଡ଼ିତାଙ୍କୁ ଉତ୍ତମ ଚିକିତ୍ସା ପାଇଁ ଓଡ଼ିଶା ସରକାରଙ୍କ ଦ୍ବାରା ପଦକ୍ଷେପ ନିଆଯାଇଛି । ବଳଙ୍ଗା ପୀଡ଼ିତାଙ୍କ ଅବସ୍ଥା ନେଇ ଦିଲ୍ଲୀ ଏମ୍ସ ପକ୍ଷରୁ କୁହାଯାଇଛି ପୀଡ଼ିତାଙ୍କ ଅବସ୍ଥା ଗୁରୁତର ରହିଛି । ଅକ୍ସିଜେନ ସପୋର୍ଟରେ ଅଛନ୍ତି ପୀଡ଼ିତା । ପୀଡ଼ିତାଙ୍କ ଶରୀର ଜଳିଯାଇଛି ୭୫ ପ୍ରତିଶତ । ସେପଟେ କିଏ, କାହିଁକି କେମିତିକୁ ନେଇ ତନାଘନା ଚାଲିଛି । ଯେଉଁ ସ୍ଥାନରେ ନାବାଳିକାକଙ୍କ ଦେହରେ ନିଆଁ ଲଗାଯାଇଥିଲା , ସେହି ସ୍ଥାନ ବୁଲି ଦେଖିଛନ୍ତି ଡିଜିପି । ପରେ ପୀଡିତାଙ୍କ ଘରକୁ ଯାଇଥିଲେ ଡିଜିପି । ପରିବାର ଲୋକଙ୍କ ସହିତ କଥା ହୋଇଥିଲେ । ସାଇଣ୍ଟିଫିକ୍ ଟିମର ୧୦ ଜଣିଆ ଦଳ ବଳଙ୍ଗାରେ ସ୍ଥିତି ଯାଞ୍ଚ କରିଛି । ଘଟଣାସ୍ଥଳରୁ ବିଭିନ୍ନ ନମୁନା ସଂଗ୍ରହ କରିଛନ୍ତି ।

ପୁରୀ ଜିଲ୍ଲା ବଳଙ୍ଗା ଅଞ୍ଚଳରେ ଘଟିଥିବା ଅଭାବନୀୟ ଘଟଣାରେ ନାବାଳିକା ଜଣକ ନୂଆଦିଲ୍ଲୀ ସ୍ଥିତ ଏମ୍ସ ମେଡିକାଲରେ ଚିକିତ୍ସାଧୀନ ଅଛନ୍ତି । ତାଙ୍କର ପରିବାର ବର୍ଗଙ୍କୁ ଭେଟି ସମବେଦନା ଜଣାଇବା ସହ ସ୍ୱାସ୍ଥ୍ୟାବସ୍ଥା ସମ୍ପର୍କରେ ଏମ୍ସ କର୍ତ୍ତୃପକ୍ଷଙ୍କ ସହ ଆଲୋଚନା କଲି । ତାଙ୍କର ଆଶୁ ଆରୋଗ୍ୟ କାମନା କରିବା ସହ ଶୀଘ୍ର ସୁସ୍ଥ ହୋଇ ଘରକୁ… pic.twitter.com/j9K5RrViuF

— Dharmendra Pradhan (@dpradhanbjp) July 20, 2025