ଦୁଇ ଦିନିଆ କୋରାପୁଟ ଜିଲ୍ଲା ଗସ୍ତରେ ଅଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ପ୍ରଥମେ ଦାମନଯୋଡି ରେଳଷ୍ଟେସନରେ ପହଞ୍ଚିଲେ କେନ୍ଦ୍ରମନ୍ତ୍ରୀ । ଭାରତୀୟ ମଜଦୂର ସଂଘ୍ ତରଫରୁ ମନ୍ତ୍ରୀଙ୍କୁ ପୁଷ୍ପ ମାଲ୍ୟ ଦେଇ ସମ୍ବର୍ଦ୍ଧନା କରାଯାଇଛି । ଏହାସହ କୋରାପୁଟ ପୋଲିସ ଦ୍ବାରା ମନ୍ତ୍ରୀଙ୍କୁ ଦିଆଯାଇଛି ଗାର୍ଡ ଅଫ ଅନର । ରାଜ୍ୟ ଗଣ ଶିକ୍ଷା ମନ୍ତ୍ରୀ ଓ ଉଚ୍ଚ ଶିକ୍ଷା ମନ୍ତ୍ରୀ ସୁରଜ୍ ସୂର୍ଯ୍ୟ ବଂଶୀଙ୍କ ସହ ଶତାଧିକ କର୍ମୀଙ୍କ ଭିତରେ ମନ୍ତ୍ରୀଙ୍କୁ ଫୁଲ ମାଳ ଦେଇ ଭବ୍ୟ ସ୍ୱାଗତ କରାଯାଇଛି ।

କୋରାପୁଟ ନାଲକୋ ପରେ ହିନ୍ଦୁସ୍ଥାନ ଏରୋନେଟିକ ( ହାଲ୍ ) ପରିଦର୍ଶନ ସହ ସାବର ଶ୍ରୀକ୍ଷେତ୍ରରେ ବାହୁଡ଼ା ଯାତ୍ରାରେ ସାମିଲ ହେବା ପରେ କୋରାପୁଟ ସ୍ଥିତ ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟରେ ୪୭୯.୯୨ କୋଟି ଟଙ୍କା ପ୍ରକଳ୍ପର ଭୂମିପୂଜନ ସହ ଅନେକ ପ୍ରକଳ୍ପର ଲୋକାର୍ପଣ କରିବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

କୋରାପୁଟ ଜିଲ୍ଲାର ପ୍ରସିଦ୍ଧ ଶକ୍ତି ପୀଠ ମା' କଣ୍ଟାବାଉଁଶୁଣିଙ୍କୁ ଦର୍ଶନ କରିଚନ୍ତି କେନ୍ଦ୍ର ଶିକ୍ଷା ମନ୍ତ୍ରୀ । ସୁନାବେଡା ସ୍ଥିତ ହାଲ ଅଭିମୁଖେ ଯିବା ସମୟରେ ଛକ ଛକରେ ବିଭିନ୍ନ ସଙ୍ଗଠନ ପକ୍ଷରୁ ଖୁବ ଜୋର୍ ସୋର୍ ରେ ସ୍ୱାଗତ କରାଯାଇଛି । ଏହାସହ କୁନି କୁନି ଛାତ୍ରଛାତ୍ରୀଙ୍କ ସହ ସାକ୍ଷାତ କରିଛନ୍ତି ଧର୍ମେନ୍ଦ୍ର ପ୍ରଧାନ।