ଛତ୍ରପୁର ମାଟିଖାଲ ଆଇଆରଇଏଲ ପ୍ଲାଣ୍ଟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଗଞ୍ଜାମ ଗସ୍ତର ଦ୍ବିତୀୟ ଦିନ । ଛତ୍ରପୁର ମାଟିଖାଲ ଆଇଆରଇଏଲ ପ୍ଲାଣ୍ଟରେ ଡିସାଲିଲେସନ ପ୍ରକଳ୍ପର ଉଦଘାଟନ କଲେ କେନ୍ଦ୍ରମନ୍ତ୍ରୀ। ଓଡ଼ିଶାରେ ପ୍ରଥମ ଥର ଏହି ପ୍ଲାଣ୍ଟ ମାଧ୍ୟମରେ ସମୁଦ୍ରର ଲୁଣି ଜଳ ହେବ ମଧୁର ଜଳ। ଏହି ମଧୁର ଜଳ ବ୍ୟବହାର କରି ଉପକୃତ ହେବେ ଗଞ୍ଜାମବାସୀ । IREL ଏଵଂ ରାଜ୍ୟ ସରକାରଙ୍କ ଉଦ୍ୟମରେ ୧୩୦ କୋଟି ବ୍ୟୟରେ ନିର୍ମିତ ହୋଇଛି ପ୍ରକଳ୍ପ। ସେହିପରି ଛତ୍ରପୁରରେ ଆୟୋଜିତ ହେବାକୁ ଥିବା ଗରିବ କଲ୍ୟାଣ ବିକାଶ ସମାବେଶରେ ସାମିଲ ହୋଇ ଲୋକଙ୍କୁ ଉଦବୋଧନ ଦେବେ। ଏହାପରେ ବାଣପୁରରେ ମା ଭଗବତୀ ଓ ଭୁଷଣ୍ଡପୁରରେ ମା ଉଗ୍ରତାରାଙ୍କର କରିବେ ଦର୍ଶନ।